日本微胖女減肥後大變身成美少女！網民驚訝逆轉人生：勁過整容

近日日本有一位女生喺社交平台上分享咗一組成人禮對比圖，呢組相片吸引咗超過8.3萬個讚同埋4800多個轉發，原來2年內呢位日本妹妹成功減肥，由微胖女生變成甜美美少女！

Photo from LOVELY BOMB of X

大家都知道減肥唔係件易事，需要毅力同埋決心。呢位日本女生叫中村珠愛莉，佢高中畢業時身型圓潤，尤其臉上都比較有肉地，但佢晒出去年成人禮嘅照片，已180度大變身！

Photo from LOVELY BOMB of X

以前中村珠愛莉嘅身型真係有啲胖，但而家嘅佢卻完全唔同！其中一張係畢業冊相片，另外兩張則係去年成人禮佢身穿和服嘅相片，相片中佢身材苗條，著上粉紅色和服完全係一位美少女，如果唔係佢公開對比照，一定會以為係兩個唔同嘅人。

Photo from LOVELY BOMB of X

Photo from LOVELY BOMB of X

中村珠愛莉笑言成功減肥後應該要出席舊年嘅同學會，有網友表示如果佢有去到同學會應該會成為焦點，甚至舊同學都認唔到佢。之後珠愛莉分享咗更多照片。

Photo from LOVELY BOMB of X

即睇更多人氣文章：
全家去迪士尼豪花7.8萬！竟買錯Disney+禮品卡！後續發展出人意料
【iPhone16預測】7大傳聞亮點整合！加入全新神秘按鈕、鏡頭回歸垂直排列、Pro系列螢幕變長？

佢指自己一直都中意粉紅色，減肥前都有著過粉色系嘅衫，佢公開減咗肥之後著粉紅色衫嘅相片，雖然同為粉色衣服，但畀人完全唔同嘅感覺，以往嘅佢打扮樸素，不施脂粉，髮型亦無咩變化。

Photo from LOVELY BOMB of X

成功減肥後佢嘅臉更加細小，雙頰亦減少咗好多，整個人都變得更加精神煥發。而佢嘅腰部同臀部都明顯瘦咗好多，身形更加窈窕。加上學識咗化妝同打扮，紮起孖辮絕對係一名甜美可愛嘅美少女！

Photo from LOVELY BOMB of X

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本名牌大學生為追女投身做牛郎！外型大進化，成全店第3位

22 Nov 2023

近日日本節目邀請到東京歌舞伎町嘅一位牛郎「えーすけ」做嘉賓，佢本身係東京大學嘅學生，能夠入讀日本名牌大學嘅佢當然係一名學霸，不過佢為咗成為受女性歡迎嘅男士而決定做牛郎！

えーすけ今年就讀東京大學Engineering Year 4，佢表示自己中學時期戴眼鏡，有種「薯仔」嘅感覺。當時佢對自己缺乏信心，亦唔識點同女生溝通。佢指出年嚟大概只同女生講過3句嘢。

えーすけ內心想變得受女仔歡迎，於是佢決心要努力讀書，成為東京大學嘅學生，佢認為入讀名牌大學後應該就會好受歡迎。為此佢更每日花10個鐘時間溫書，最終順利通過東京大學嘅入學試。

不過情況並未好似佢想像中咁有所改變，意識到即使讀到東京大學都唔一定會變成女性心目中男神嘅えーすけ決意改變自己。佢表示自己本來過著正常嘅大學生活，努力學習之餘亦加入咗網球俱樂部。

一年前佢認為要受異性歡迎，溝通非常重要，於是佢就加入咗歌舞伎町，正式投身牛郎界。えーすけ指做牛郎平時可以經常被女性誇獎，另外透過女性嘅稱讚，佢幾乎每天都獲得信心，成功提高自尊心。

加入咗短短一年佢就以驚人嘅速度晉升，成功坐上第三名嘅位置。えーすけ稱要晉升，獲取新客戶十分重要。為贏得新客戶，佢有意識咁透露自己嘅學術背景，佢嘅高學歷令唔少客戶對佢表示關注。同時當有人談論佢根本唔知道嘅事情時，佢有時會表現出自己嘅天真性格，而呢種「反差萌」往往會令顧客讚佢：「你好可愛！」

而為咗做牛郎，佢喺造型方面都花咗好多心思，喺節目上佢公開咗自己中學時期嘅舊照，與現時對比有好大嘅差距，引起網民關注。唔少網友都表示好佩服えーすけ嘅行動力：「知自己衰咩會去努力去改變佢」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）