【2024開工吉日】龍年開工吉日全攻略！4大開工吉日吉時+辦公室開運秘訣！仲有收工貼士！
【2024開工吉日】全新的一年，打工仔想要升職加薪、遠離是非小人、招貴人、增強財運、工作順利，一定要揀個吉日吉時開工大吉啦！即睇2024龍年開工吉日攻略，最旺開工日、辦公室開運秘訣，仲有埋收工大吉貼士～
Photo from IG@何依婷
#開工吉日：首選特大吉
·正月初六
| 吉日 | 吉時 | 相沖生肖 |
| 2月15日（星期四） | 7am～9am（辰時） | 兔 |
| 9am～11am（巳時） |
·正月初九
| 吉日 | 吉時 | 相沖生肖 |
| 2月18日（星期日） | 7am～9am（辰時） | 馬 |
| 9am～11am（巳時） |
Photo from 《愛．回家之開心速遞》截圖
#開工吉日：次選大吉
·正月初四
| 吉日 | 吉時 | 相沖生肖 |
| 2月13日（星期二） | 9am～11am（巳時） | 牛 |
| 11am～1pm（午時） |
·正月十二
| 吉日 | 吉時 | 相沖生肖 |
| 2月21日（星期三） | 7am～9am（辰時） | 雞 |
| 1pm～3pm（未時） |
#開工開運秘訣
·揀不相沖吉日
每年都有幾個新年開工吉日選擇，仲有首選和次選之分。如果想新一年工作順利，可以留意下開工吉日有否與自己的生肖相沖，只要不相沖就沒問題，否則最好另揀一個吉日才正式開工啦！
Photo from IG@楊秀惠
·象征式開工儀式
如果開工吉日當天仲放緊假或係週末假日點算好？打工仔可以在吉日吉時向老闆、同事發個祝福訊息，或直接返公司、在家中打開電腦，稍微整理一下文件、打打字、檢查及回覆email～無需做足整日，象徵式在吉日當天開工大吉就OK！
Photo from 《童時愛上你》劇照
·穿新衫開工
新年穿新衫有辭舊迎新之意，開工大吉當天梗係都要穿著整齊乾淨的新衫！就算在屋企象徵式開工，當天都要穿上乾淨的新衫，絕對不要貪一時方便穿睡衣、陳舊居家服開工，可能達不到應有的開運效果！
Photo from IG@佘詩曼
·碌柚水清除衰氣
雖然過年放假前已經收拾乾淨辦公檯，但開工大吉當天最好再清理一次！用碌柚葉加清水，將辦公檯及抽屜等個人範圍抹乾淨，象徵洗去往年的衰運霉氣，開工大吉、順順利利！另外，檯面要隨時保持乾淨整齊，不要放太多雜物或遮擋物，寓意沒有任何阻礙，前途無量！
·檯面擺放吉祥盆栽
開工大吉當天可在辦公檯面擺放吉祥盆栽，不但象徵吉祥如意，更可以增添財運，全年都順風順水～
Photo from Pinterest
·「聚財百家錢」增強財運
如果想增強財運，可以在受到開工利是後，將部分現金放入利是封，加上些許茶葉及白米，並放在夾萬或屋企的隱蔽之處。這個方法叫做「聚財百家錢」，透過聚集財氣超旺的人所給予的錢，沾染富有之人的旺氣，以提升自己的財運，加強自己的聚財能力！
·忌飲齋啡、食銀杏
很多人都喜歡工作時沖一杯咖啡來提神醒腦一下，但是新年開工當天絕對不要飲齋啡或食銀杏，否則整年工作都會「食白果」！
Photo from 《未生》劇照
#收工開運貼士
·揀對收工吉日
很多人都非常重視開工吉日，但其實收工的日子亦十分重要，一樣需要避開相沖生肖來揀吉日，以提升新一年的工作運！
| 吉日 | 相沖生肖 |
| 2月3日（星期六） | 兔 |
| 2月5日（星期一） | 蛇 |
| 2月6日（星期二） | 馬 |
| 2月8日（星期四） | 猴 |
| 2月9日（星期五） | 雞 |
Photo from IG@高海寧
·清理乾淨辦公檯
唔止屋企，收工前記得要大掃除辦公檯！將平時工作的地方打掃乾淨，寓意清除過去一年不好的衰氣霉運，迎接全新的一年！
·辦公檯擺兩粒柑
收工當天，可以在辦公檯面上擺放兩粒柑，寓意新一年大「吉」大利，工作順利～在柑底下再放一封利是封，更能加強運氣！
Photo from Presslogic
·抽屜放封利是
原來辦公檯的抽屜都有風水？！抽屜其實就等於辦公檯的「暗財庫」，收工前可以將一封裝有錢的利是封放入抽屜，可以提升自己的財運！至於金額視乎個人而定，但記得利是封要放滿一年，不能隨意拿出來～
·年前清還債務
如果有欠同事錢，記得在過年前還清所有債務，否則可能會破財一整年！另外，過年期間不要向別人借錢，代表整年都需要別人援助；亦不要借錢給別人，代表整年錢財外流，無法聚財～
Photo from 《愛．回家之開心速遞》截圖
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
