古巨基舅仔欠債數百萬外父發聲明：脫離父子關係！

By Macy Sun on 29 Jan 2024

古巨基與太太Lorraine（陳英雪）拍拖多年，於2014年結婚並在2019年底迎來生下囝囝Kuson，一家三口幸福美滿。不過近日就突然傳出Lorraine胞弟陳裕欣捲入欠債風波，據知家人曾幫他償還300萬債務，然而事件亦未能平息，直至日前Lorraine爸爸更發布聲明稱要與兒子陳裕欣脫離父子關係！

Photo from 古巨基Facebook

古巨基太太Lorraine爸爸陳國滙經營香港著名老字號食肆蘭苑饎館40年，餐廳除家常小菜外，甜品亦十分馳名，更曾獲米芝蓮美食推介。然而日前（27日）就被發現餐廳門外貼上了一則聲明，指陳國滙要與兒子陳裕欣脫離父子關係！當中聲明如下：

本人陳國滙特此聲明，本人自2024年1月27日即日起與兒子陳裕欣CHAN YU YAN ALAN HUMAN 身份證號碼G71XXXX(X)正式斷絕父子關係。此後有關陳裕欣之一切行為及金錢糾紛，均與我本人、我的家人及蘭苑饎館一概無關。

Photo from 網上圖片

古巨基就此事就回應傳媒稱，痛心太太Lorraine與80多歲的外父外母這段日子面對的精神困擾，指幾年來面對這個無底洞，大家都已經到了無能為力的地步。而對於外父外母作出這個艱難的決定，他與Lorraine亦表示都理解並百分百尊重，但有關此事他們就稱不會再作任何其他回應，希望大家能給空間予他們家人。

Photo from 古巨基Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

古巨基晒30年前TVB藝員訓練班合照！袁文傑勁英氣、古巨基超童顏

1 Apr 2021

已為人父嘅古巨基近日喺IG公開咗30年前嘅舊照，係TVB藝員訓練班同學大合照，佢表示希望嚟緊可以重聚，相中袁文傑非常英氣，古巨基都好青澀。

Photo from 古巨基IG

48歲嘅古巨基最近回歸家庭，日日喺IG分享同仔仔嘅相片，少有推出音樂作品。佢喺IG post出舊相懷念從前。

Photo from 古巨基IG

相片係30年前TVB藝員訓練班嘅大合照，52歲嘅袁文傑都係其中一位訓練班同學，古巨基表示：「30年前的3月，一班年輕人因為緣份在一個訓練班裡成為同學。哪個時代我們只有Call機，所以現在這群朋友仔仍未能齊全集合於短訊群組。如果你哋認識相中我嘅同學仔，或甚至你係相裏面嘅其中一個而與我們失聯，請喺這個post下面話我知可以點樣聯絡番佢/你，大家嘅重聚係我入行30年嘅一個願望。#唔知乜嘢係call機嘅話請上維基百科睇吓啦 #入行30週年之尋人啟事 #希望疫情快啲完可以為這個30年做啲嘢記錄下 #下雨天總掛念從前」