內地女深水埗鴨寮街當眾徵婚舉紙皮交代個人背景網友抵死笑：可以介紹比基哥！

為追求幸福到底可以去到幾盡？近日網上流傳1張圖片，當中有名內地女子站在深水埗鴨寮街舉起紙皮，引起途人注目！然而細睇紙皮上文字，才發覺原來該名女子是想來港徵婚!事件引起網友熱烈討論，更有網友抵死笑稱可以把女子介紹給近期未婚妻是非不斷的基哥（李龍基）！

Photo from 《香港愛情故事》劇照

近日「連登討論區」上有網友開Po，上傳了一張在深水埗鴨寮街街頭拍下的照片。照片中可見有名女子站在地鐵站出入口位置，手舉一塊紙皮，上面用簡體字寫上「徵婚」兩字，而且寫明「本人90年（33歲），四川人，有一女，6歲」，最後更聲稱「離異單身」！

Photo from 連登討論區

而當日連登樓主有見此情此景，當然按耐不住一顆分享八卦的心，馬上用手機拍下景象與各位網友分享！不過就見該名四川女子面對樓主「偷拍」亦毫不避忌，甚至還對著鏡頭微笑！

Photo from 劇集劇照

照片被上傳到網上後隨即引來大批網民討論，有人笑言「係咪玩真心話大冒險輸咗？」、「攞張好啲嘅紙印出嚟都慳返」、「都幾老實有一女」。不過同時就有人質疑事件真偽，提醒大家切勿上當。

Photo from 《徵婚啟事》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地女懷孕5個月相睇，要求男方有樓有車！後續發展勁誇張

16 Jan 2024

內地好多地方都有「相親角」，近日一名孕婦就喺相親角分享自己嘅擇偶要求，佢指男友要有樓有車，仲要照顧埋佢肚入面未出世嘅BB，有網民指佢太貪心，掀起熱議，未料後續發展更出人意料！

Photo from 抖音

內地近年興起「相親角」，單身男女或者係佢哋嘅父母都會印宣傳單張列明其個人條件，希望可以搵到門當戶對嘅另一半。宣傳單張一般會寫上婚戀情況、工作背景、家庭條件等，連離異咗一段時間嘅莊思敏都有去過相親角相睇。

Photo from 莊思敏抖音

最近內地有一位孕婦就現身內地嘅相親角，並成為熱話。從外表嚟睇佢小腹明顯隆起，目測已有5～6個月身孕，佢手拎一張紙，上面寫咗佢嘅個人資料同擇偶條件。

Photo from 抖音

呢位孕婦自稱32歲，無車無樓，懷孕5個月，佢希望將來嘅另一半有車有樓，月薪要有2萬元人民幣以上：「能對我好，視孩子如幾（己）出」，佢指唔會接受工資只有7、8千嘅男士：「我看不起」、「月薪低於2萬的都不考慮，不然娃都養不起！」

Photo from 抖音

影片中孕婦更表示：「雖然娃不是你的，但媳婦是你的，生娃已經夠辛苦，如果你真的愛我就不用在乎個娃是不是你的。」佢又話照咗超聲波BB係男生：「生下來跟你姓傳宗接代。」

Photo from 抖音

由於佢腹大便便，但又要求對象要有一定程度嘅經濟能力，唔少網民狠批佢只想搵「接盤俠」，更有人直言：「釣金龜也不看看自己甚麼條件」，亦有網友認為以佢嘅外在條件，即使無懷孕都未必搵到合符佢擇偶要求嘅男士。

Photo from 抖音

呢位孕婦喺相親角相睇嘅影片掀起網民熱議，之後更驚動埋警方？！原來當地警方發佈聲明，指該女子名為陳某，現年33歲，經調查佢購買假孕道具扮成孕婦自導自演拍片擺上網博取網民關注。警方更指陳某製作有違公序良俗嘅影片發佈於網絡世界，造成不良嘅社會影響，已被行政拘留處罰。

Photo from 微博

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel