download HolidaySmart 假期日常 app
美斯香港會見小球迷，態度友善合照、簽名！內地網民爆需花16萬

美斯香港會見小球迷，態度友善合照、簽名！內地網民爆需花16萬

美食推介
By Jennifer on 05 Feb 2024
Digital Editor

美斯隨球隊國際邁阿密來港，但友誼賽卻未有出場，令入場球迷怒斥「搵笨」。小紅書就有網民分享美斯嘅一對球迷父子喺球王來港時同對方近距離接觸，不但可以合照，美斯更親切喺球衣及波鞋上簽名。

美斯隨球隊國際邁阿密來港，但友誼賽卻未有出場，令入場球迷怒斥「搵笨」Photo from HOYTV

國際邁阿密與港隊友誼賽票價達$4,880，然而美斯卻只坐後備席，甚至連蘇亞雷斯都無份落場踢波，完場後大批球迷不滿大嗌「回水」，又直指：「當我哋香港人係傻仔」、「$3,000蚊睇垃圾波。」

完場後大批球迷不滿大嗌「回水」Photo from HOYTV

球迷直指：「當我哋香港人係傻仔」Photo from TVB

球隊於2月5號離開香港，下場將會同日本神戶勝利船打友誼賽，雖然有指行程會取消，但國際邁阿密已於官方X帳號確認比賽會照常舉行。有網民認為美斯到時好可能會落場：「香港人做晒水魚」

國際邁阿密於官方X帳號發文：「Next Up: Japan 🇯🇵✈️」確認會繼續日本行程。Photo from Inter Miami CF X

雖然香港友誼賽美斯全場無份踢兼未有同香港球迷溝通，甚至影大合照都企喺後面，但原來美斯喺香港都十分友善同球迷影相？！

香港友誼賽美斯全場無份踢兼未有同香港球迷溝通，甚至影大合照都企喺後面Photo from HOYTV

原來美斯喺香港都十分友善？！Photo from TVB

小紅書有網友分享標題為「香港見到梅西的父子倆」嘅影片：「爸爸帶兒子去見梅西，兩個人開心的說圓夢了。今晚睡不著了」影片中美斯先係為球迷嘅球衣同球鞋簽上親筆簽名，又分別同兩位fans影合照，全程都十分友善。

小紅書有網友分享標題為「香港見到梅西的父子倆」嘅影片Photo from 小紅書「Duiduio」

美斯幫球迷簽名Photo from 小紅書「Duiduio」

美斯面帶微笑同小球迷合照Photo from 小紅書「Duiduio」

美斯表現友善Photo from 小紅書「Duiduio」

有網民留言問：「怎麼操作，大哥」，疑似知情網友即回覆：「16w」，疑指想同美斯近距離接觸需花16萬。另外亦有網友分享：「之前北京貌似三十萬」，有網民則指：「貧窮限制了我的想像」、「你有這錢，去趟邁阿密都夠了吧」

有網民留言問：「怎麼操作，大哥」，疑似知情網友即回覆：「16w」Photo from 小紅書「Duiduio」

網民：「你有這錢，去趟邁阿密都夠了吧」Photo from 小紅書「Duiduio」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

美斯訪港成世紀大騙案！國際邁阿密最新行程公開！網民：當香港人水魚

5 Feb 2024

國際邁阿密來港與港聯踢友誼波，但球王美斯同蘇亞雷斯卻一直坐後備席未有落場。「美斯訪港」被香港球迷怒轟係世紀大騙案！有傳國際邁阿密將取消日本友誼賽，但其官方行程公開，令網民大呼：「香港人做晒水魚！」

國際邁阿密來港與港聯踢友誼波Photo from TVB

國際邁阿密於星期日同港聯踢友誼賽，門票高達$4,880，但仍吸引大批球迷入場，想一睹球王風采。不過當日美斯喺後備席坐足全場，隊友蘇亞雷斯雖然有熱身，但同樣無份落場，唔少球迷失望而回，更怒斥事件係「世紀大騙案」！

國際邁阿密於星期日同港聯踢友誼賽，門票高達$4,880，但仍吸引大批球迷入場Photo from HOYTV

當日美斯喺後備席坐足全場Photo from HOYTV

唔少球迷失望而回，更怒斥事件係「世紀大騙案」！Photo from TVB

有球迷叫碧咸「回水」Photo from TVB

香港政府亦發聲明指極度失望，或考慮扣減贊助。至於主辦方Tatler亦指賽前未獲消息美斯唔會落場，表示對美斯無份出場感失望。有消息稱合約列明美斯需上場45分鐘，但消息未獲證實。

香港政府亦發聲明指極度失望，或考慮扣減贊助。Photo from HOYTV

至於主辦方Tatler亦指賽前未獲消息美斯唔會落場，表示對美斯無份出場感失望。Photo from HOYTV

有消息稱合約列明美斯需上場45分鐘，但消息未獲證實。Photo from TVB

國際邁阿密教練馬天奴則指美斯有傷在身，與醫療團隊商討下決定唔派美斯同蘇亞雷斯落場。事實上國際邁阿密同沙特阿拉伯嘅友誼賽，美斯亦只出場幾分鐘，不過香港場球王未落場之餘，又無參與記者會，香港球迷連美斯把聲都未聽到，難免會失望。

國際邁阿密教練馬天奴則指美斯有傷在身，與醫療團隊商討下決定唔派美斯同蘇亞雷斯落場。Photo from TVB

香港場球王未落場之餘，又無參與記者會Photo from TVB

美斯來港當日，大批球迷到機場接機Photo from TVB

原本國際邁阿密下場友誼賽將會飛到日本，日本場票價最貴為45,000円（約$2,372港元），比香港場平一半有多！不過有指球隊將取消日本友誼賽，有轉播國際邁阿密友誼賽嘅Apple TV賽程表中，卻未見日本友誼賽，疑似被取消？！

國際邁阿密下場友誼賽將會飛到日本神戶，日本場票價最貴為45,000円（約$2,372港元），比香港場平一半有多！Photo from HOYTV

有轉播國際邁阿密友誼賽嘅Apple TV賽程表中，卻未見日本友誼賽Photo from Apple TV

美斯曾拍片向日本球迷表示好期待參加呢場友誼賽，Apple TV賽程表嘅消息令外界猜測美斯受傷或比想像中嚴重。但2月5日朝早，國際邁阿密於官方X帳號發文：「Next Up: Japan 🇯🇵✈️」確認會繼續日本行程。

美斯曾拍片向日本球迷表示好期待參加呢場友誼賽Photo from TVB

國際邁阿密於官方X帳號發文：「Next Up: Japan 🇯🇵✈️」確認會繼續日本行程。Photo from Inter Miami CF X

有網民指：「根本唔踢依場就係想下場踢」、「同主辦一齊搵水魚」、「感覺佢落硬場喎」，亦有網友指飛過去日本睇補數：「計埋機票酒店仲平過香港張$4880」

碧咸被噓爆Photo from ViuTV

有網民指：「根本唔踢依場就係想下場踢」Photo from LIHKG

有網民指美斯應該會落場Photo from LIHKG

網友：「計埋機票酒店仲平過香港張$4880」Photo from LIHKG

國際邁阿密班主碧咸Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

美食推介美斯