美斯到達日本露微笑狀況判若兩人？！國際邁阿密教練稱有望上場
國際邁阿密來港友誼賽，但兩大球星美斯同蘇亞雷斯均未有落場踢波，令一眾球迷大感受騙。球隊昨日（2月5號）下午已飛往日本東京，教練馬天奴更放風指評估美斯狀況，星期三（2月7號）與神戶勝利船嘅友誼賽有望出場。
Photo from HOYTV
美斯來港吸引數萬人到香港大球場一睹球王風采，但最終美斯及隊友蘇亞雷斯只坐後備席，令球迷失望而歸。友誼賽當日美斯未有出場之餘，連同球迷交流都無，影大合照又企喺後排，全程笑容欠奉，似乎心情麻麻？！
Photo from HOYTV
Photo from HOYTV
但前一日球隊操練時美斯仍有熱身，而且也面有微笑，明顯心情唔錯，一夜之間有如此大轉變，唔少網民都表示好奇：「傍晚記者會都話會出，之後唔知發生咩事，第二日黑哂面」
Photo from TVB
Photo from TVB
Photo from TVB
Photo from LIHKG
Photo from LIHKG
由於友誼賽唔係美斯一人無落場，如果只有美斯唔上場都可能係個人態度問題，但連喺場邊做晒熱身嘅蘇亞雷斯最終亦無份踢波，有唔少網民認為當中應該有蹺蹊，甚至係同合約或價錢有關，最終未能與球隊達成一致。
Photo from TVB
Photo from LIHKG
Photo from LIHKG
不過球隊飛抵日本後，有網友對比美斯抵港照，指佢喺日本明顯面露微笑，心情似乎比喺香港要好不少。
Photo from TVB
Photo from TVB
Photo from X「【公式】Inter Miami in TOKYO 2024」
Photo from X「【公式】Inter Miami in TOKYO 2024」
Photo from X「【公式】Inter Miami in TOKYO 2024」
另外國際邁阿密教練馬天奴曾指同醫療團隊評估美斯肌肉發炎，最終決定唔畀佢上場。但馬天奴到日本即表示觀察美斯健康狀況，對與日本神戶勝利船嘅友誼賽美斯能上陣感樂觀。
Photo from X
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
美斯香港會見小球迷，態度友善合照、簽名！內地網民爆需花16萬
5 Feb 2024
美斯隨球隊國際邁阿密來港，但友誼賽卻未有出場，令入場球迷怒斥「搵笨」。小紅書就有網民分享美斯嘅一對球迷父子喺球王來港時同對方近距離接觸，不但可以合照，美斯更親切喺球衣及波鞋上簽名。
Photo from HOYTV
國際邁阿密與港隊友誼賽票價達$4,880，然而美斯卻只坐後備席，甚至連蘇亞雷斯都無份落場踢波，完場後大批球迷不滿大嗌「回水」，又直指：「當我哋香港人係傻仔」、「$3,000蚊睇垃圾波。」
Photo from HOYTV
Photo from TVB
球隊於2月5號離開香港，下場將會同日本神戶勝利船打友誼賽，雖然有指行程會取消，但國際邁阿密已於官方X帳號確認比賽會照常舉行。有網民認為美斯到時好可能會落場：「香港人做晒水魚」
Photo from Inter Miami CF X
雖然香港友誼賽美斯全場無份踢兼未有同香港球迷溝通，甚至影大合照都企喺後面，但原來美斯喺香港都十分友善同球迷影相？！
Photo from HOYTV
Photo from TVB
小紅書有網友分享標題為「香港見到梅西的父子倆」嘅影片：「爸爸帶兒子去見梅西，兩個人開心的說圓夢了。今晚睡不著了」影片中美斯先係為球迷嘅球衣同球鞋簽上親筆簽名，又分別同兩位fans影合照，全程都十分友善。
Photo from 小紅書「Duiduio」
Photo from 小紅書「Duiduio」
Photo from 小紅書「Duiduio」
Photo from 小紅書「Duiduio」
有網民留言問：「怎麼操作，大哥」，疑似知情網友即回覆：「16w」，疑指想同美斯近距離接觸需花16萬。另外亦有網友分享：「之前北京貌似三十萬」，有網民則指：「貧窮限制了我的想像」、「你有這錢，去趟邁阿密都夠了吧」
Photo from 小紅書「Duiduio」
Photo from 小紅書「Duiduio」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
美斯訪港成世紀大騙案！國際邁阿密最新行程公開！網民：當香港人水魚
5 Feb 2024
國際邁阿密來港與港聯踢友誼波，但球王美斯同蘇亞雷斯卻一直坐後備席未有落場。「美斯訪港」被香港球迷怒轟係世紀大騙案！有傳國際邁阿密將取消日本友誼賽，但其官方行程公開，令網民大呼：「香港人做晒水魚！」
Photo from TVB
國際邁阿密於星期日同港聯踢友誼賽，門票高達$4,880，但仍吸引大批球迷入場，想一睹球王風采。不過當日美斯喺後備席坐足全場，隊友蘇亞雷斯雖然有熱身，但同樣無份落場，唔少球迷失望而回，更怒斥事件係「世紀大騙案」！
Photo from HOYTV
Photo from HOYTV
Photo from TVB
Photo from TVB
香港政府亦發聲明指極度失望，或考慮扣減贊助。至於主辦方Tatler亦指賽前未獲消息美斯唔會落場，表示對美斯無份出場感失望。有消息稱合約列明美斯需上場45分鐘，但消息未獲證實。
Photo from HOYTV
Photo from HOYTV
Photo from TVB
國際邁阿密教練馬天奴則指美斯有傷在身，與醫療團隊商討下決定唔派美斯同蘇亞雷斯落場。事實上國際邁阿密同沙特阿拉伯嘅友誼賽，美斯亦只出場幾分鐘，不過香港場球王未落場之餘，又無參與記者會，香港球迷連美斯把聲都未聽到，難免會失望。
Photo from TVB
Photo from TVB
Photo from TVB
原本國際邁阿密下場友誼賽將會飛到日本，日本場票價最貴為45,000円（約$2,372港元），比香港場平一半有多！不過有指球隊將取消日本友誼賽，有轉播國際邁阿密友誼賽嘅Apple TV賽程表中，卻未見日本友誼賽，疑似被取消？！
Photo from HOYTV
Photo from Apple TV
美斯曾拍片向日本球迷表示好期待參加呢場友誼賽，Apple TV賽程表嘅消息令外界猜測美斯受傷或比想像中嚴重。但2月5日朝早，國際邁阿密於官方X帳號發文：「Next Up: Japan 🇯🇵✈️」確認會繼續日本行程。
Photo from TVB
Photo from Inter Miami CF X
有網民指：「根本唔踢依場就係想下場踢」、「同主辦一齊搵水魚」、「感覺佢落硬場喎」，亦有網友指飛過去日本睇補數：「計埋機票酒店仲平過香港張$4880」
Photo from ViuTV
Photo from LIHKG
Photo from LIHKG
Photo from LIHKG
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
