美斯日本出場被內地網民狠批！高海寧表示體諒球王受傷終需道歉

時事熱話娛樂新聞

By Jennifer on 08 Feb 2024

Digital Editor

美斯因傷缺陣國際邁阿密香港友誼賽，令唔少入場觀眾感失望。數日後佢隨球隊到日本東京作賽，喺下半場正式登場，事後被內地網民怒轟！之前有份去香港場嘅高海寧曾表示體諒美斯，亦急忙發文公開道歉。

Photo from Reuter

美斯來港後未有出席公開活動，不過原來佢同隊友有與香港嘅患癌病童見面，更為佢送上親筆簽名！而美斯到港時亦有向fans揮手致意，加上訓練日明顯好好笑容，但到友誼賽卻態度大變，連蘇亞雷斯都無出場，引起唔少猜測。

Photo from 願望成真基金Facebook

Photo from LIHKG

國際邁阿密到日本後，報稱有傷嘅蘇亞雷斯正選上陣，美斯亦喺下半場落場踢波，更踢足30分鐘，期間左扭右扭大晒球技，完場後又向場內觀眾揮手示意，並親切與對方球員握手。

Photo from Inter Miami

Photo from LIHKG

美斯喺香港同日本嘅態度截然不同，雖然美斯於官方微博解釋身上有傷未能參與香港友誼賽，但仍被大批內地網民怒轟佢態度傲慢，雙重標準，更揚言嚟緊阿根廷到訪中國行程唔歡迎美斯。有網民喺抖音拍片剪爛美斯嘅波衫，表示：「花3萬替大伙出口氣」

Photo from Reuter

Photo from 抖音

美斯惹怒內地網民，連高海寧都要道歉？！原來高海寧當日有份去香港大球場睇波，事後被問到美斯唔出場有咩睇法，高Ling表示睇到香港隊同國際邁阿密對戰都好開心，佢知道美斯受傷，作為球迷亦希望對方有好嘅身體狀態出席真正嘅比賽：「所以我可以理解嘅、諒解嘅。」

Photo from 高海寧IG

不過高Ling就分別喺IG同微博發文公開道歉：「首先我跟大家一樣對於美斯沒有落場踢球感到非常失望」，又解釋自己係聽教練在賽後記者會上回應指美斯「因受傷不能上陣」所以先會話佢受咗傷。

Photo from 高海寧IG

高Ling指：「後續我也是跟大家一樣，瞭解到之後發生的更多情況，讓我感到非常震驚。我充分意識到，自己當時在只瞭解片面的情況下，發表的言論是非常不妥的。在此要向所有關注這件事的朋友們表示歉意，真的非常抱歉！」佢表示會持續關注事件發展，亦希望事件有一個合理嘅交代：「以後會更加謹言慎行，做好作為公眾人物的正向引導。」

Photo from 高海寧微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

美斯與第一牛郎羅蘭合照15.9萬全包？！日本安排周到球王笑容滿面

7 Feb 2024

國際邁阿密即將與日本球隊踢友誼賽，美斯抵達日本態度友善，一直面帶微笑又做代表出席公開活動，與香港情港截然不同。日本「第一牛郎」羅蘭就分享與美斯合照，據知日本亦有15.9萬與美斯見面plan，有咩活動都有詳盡列明。

Photo from X【公式】Inter Miami in TOKYO 2024

美斯同蘇亞雷斯喺香港場就未有落場踢波，但佢哋飛到日本後如常訓練，美斯狀態唔錯，加上教練「放風」，美斯有望出場參與神戶勝利船嘅友誼賽。雖然球賽未開波，但國際邁阿密訪日活動就開始咗。

Photo from Reuter

Photo from X【公式】Inter Miami in TOKYO 2024

喺香港由蘇亞雷斯出席記者會，日本就到美斯出席，佢更提及對戰香港隊未能出場係「不幸」嘅事，雖然未有發現受傷，但感到大髀內側肌肉不適，最終無法參與賽事，期待有機會再到香港。

Photo from X【公式】Inter Miami in TOKYO 2024

美斯到達日本後心情似乎唔錯，又同昔日巴塞隊友於賽場重聚，難怪出席公開活動都滿面笑容。日本「第一牛郎」羅蘭有喺IG分享美斯合照同親筆簽名波鞋。一直以嚟十分自信嘅羅蘭更為美斯更改自己嘅金句：「世界上只有3種人：我、美斯同其他人。」睇嚟羅蘭都被球王折服。

Photo from X【公式】Inter Miami in TOKYO 2024

Photo from Roland IG

之前小紅書就有網民分享16萬就可以同美斯近距離接觸，包括合照及簽名，原來日本都有呢個「特別體驗席」！據公開嘅收費表顯示，最貴300萬（約$15.9萬港元）円嘅plan就包括國際邁阿密訪日聚會、記者會入場券、可觀賞球隊賽前訓練、喺球員通道送球員入場、同美斯見面、美斯親筆簽名球衣、賽後記者會等，價錢同香港差唔多，但全部明碼實價，而且購物渠道係公開，同香港唔同。