東京豐洲市場｜千客萬來開業被指定價太高！日本人質疑「劏客」

旅遊攻略旅遊新聞日韓旅遊

By Jennifer on 09 Feb 2024

Digital Editor

豐洲市場新設施「千客萬來」已正式開幕，當地人分享唔少實境照，生意都唔錯。但有人卻公開餐牌，指千客萬來嘅海鮮丼定價太高，動輒要幾千円，質疑售價咁高都係為咗「劏遊客」。

Photo from 千客萬來

日本築地市場以往都以海鮮聞名，不過場內區域喺2018年搬到東京灣人工島「豐洲」並改名為「豐洲市場」，唔少人龍店都遷到豐洲。雖然比築地市場更遠，不過豐洲市場加入新設施「千客萬來」，希望吸引更多人流。

Photo from 千客萬來

千客萬來共分兩大區域，其中一幢9層樓建築名為「溫浴棟」，提供24小時溫泉服務，而且仲有免費足湯，另外名為「商業棟」嘅地方則有約100間商店進駐，遊客可以開心shopping。

Photo from 千客萬來萬葉俱樂部

Photo from 千客萬來

千客萬來坐落喺豐洲市場附近，當然都有好多海產、海鮮出售啦！千客萬來已於2月1日正式開幕，X上亦有人分享當地實境照，睇落人流都唔錯。

Photo from 千客萬來

不過有日本人就公開千客萬來3樓美食廣場嘅餐牌，上面顯示海鮮丼嘅價格頗高，當中親子丼售3,600円（約$189港元）、吞拿魚三色丼則售6,400円（約$335港元），最平嘅芝麻醬漬海鮮丼售價為2,700円（約$141港元）；最貴嘅藍鰭吞拿魚丼售價高達6,980円（約$366港元）！

Photo from X @civet2314

Photo from X「レッツエンジョイ東京

唔少當地人都指定價太高，質疑千客萬來做遊客生意，海鮮丼亦賣「遊客價」，根本就係「劏客」，令當地人無意到訪。有日本網民喺X指：「羨慕外國人能說這個便宜」

Photo from X @civet2314

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

黑門市場劏客越嚟越誇張？四隻蟹腳售1668元，大阪居民狠批：影衰大阪

11 Jul 2023

日本大阪向來係香港人熱門旅遊地，近日日本《集英社》關注到有大阪居民指大阪黑門市場價格越嚟越貴，海鮮售價比一般貴成兩倍，似乎專係為咗「劏遊客」，令唔少當地居民深感不忿，直斥係「大阪恥辱」。

Photo from HolidaySmart

大家3年無去過旅行，自從開關後出境旅客數就上升不少。其中日本大阪係好多港人選擇嘅旅遊目的地，大阪有唔少景點，除咗心齋橋、大阪城等，仲有黑門市場亦係唔少人食海鮮嘅首選。

Photo from RTHK

不過黑門市場被指「出名劏客」，因此近年唔少港人都好少再去，更有人直言：「一定係無做功課先會去黑門」。近日日本《集英社》亦關注到黑門市場嘅問題，報導指喺Twitter有唔少「黑門市場太貴」、「黑門市場變晒質」嘅帖子。

Photo from 集英社

報導稱黑門市場有過百間店舖，2011年左右，黑門市場嘅外國遊客慢慢增加，更成為遊客勝地。有旅遊業內人士表示本來黑門市場畀到一種「雖然價格有啲貴，但可以買到高品質嘅商品」嘅感覺。但漸漸越嚟越多店舖將價格加到「遊客價」，所以已無咩當地人會去。

Photo from 集英社

Photo from HolidaySmart

記者更親身到黑門市場實地考察，現場9成以上都係外國遊客，帝王蟹腳4隻最貴售3萬円（約$1,668港元）；3隻蝦售3,500円（約$195港元）；2隻扇貝售價係1,000円（約$56港元）；生蠔兩隻要價$1,200円（約$67港元），記者坦言：「呢個唔係遊客價咁簡單！」

Photo from 集英社

有當地居民直斥：「依家嘅黑門市場好似話畀外國人知『大阪人都係白痴』，對大阪嚟講係一種恥辱。」有居民表示約10年前多咗好多商舖將產品價格增加至旅遊價，所以佢幾乎無再喺黑門市場購物。

Photo from 集英社

其實一直以嚟黑門市場都被指「劏客」，更有網友直言好怕會被日本人知道有香港人鍾意去黑門市場。不過疫情3年後再開關，情況似乎變本加厲，連當地居民都「睇唔過眼」。

Photo from Facebook

Text: HolidaySmart Editorial

歐錦棠遊日怒批淺草「俗不可耐」，獲網友力撐：一早已經面目全非

15 Feb 2023

日本一直是港人心目中旅遊首選的好地方，若果是初次到訪，東京淺草不失為一個值得探索的好地點，可惜自從日本越來越受遊客歡迎，世界各地到訪的旅客質素亦有所參差，有些地方的本土價值已經逐漸減弱。歐錦棠（棠哥）最近就於Facebook發表一篇文章，指近日因工作到訪日本，久未到訪淺草一帶，本想懷念昔日的美好，卻想不到換來的是數之不盡的厭惡，更覺得現在的淺草「俗不可耐」，明言「呢世都唔會再去」。

Photo from 歐錦棠 Stephen Au@Facebook

懷念昔日淺草的美好

歐錦棠指出淺草是舊區，伴著很多歷史故事，以往在附近一帶閒逛，鄰近有玩具批發街和道具街，路經江戶時代著名「紅燈區」吉原的原址時，可以「想像一下太夫出巡的盛況，和劍士浪人在柳樹下刀光劍影的淒厲，走著走著，就是一種浪漫。」他又指出，淺草觀音廟向來都有濃厚的「娘」味，觀音廟就如同東京的黃大仙廟宇一樣，素來是當地人上「頭炷香」的熱點，而仲見世通更加令人眼花撩亂「未拜觀音先經歷俗世洗禮，在店舖放低多少銀両是常識。」

Photo from 歐錦棠 Stephen Au@Facebook

敗筆一：和服體驗太過泛濫

他續指可惜一切已成過去，遊客眾多是常事，但是「成也遊人，敗也遊人」，更稱當日剛巧在觀音廟附近拍攝，有空閑時間就去走走，未料街頭巷尾竟然都充斥著身穿和服的男女，「女的也不懂碎着小步，走路的姿勢連大腿都要露出來了」腳下的拖鞋就如在家中一樣，不斷用腳跟用力向前踢，成條街就充斥著踢、踢、踢聲音「女的如是，男的更甚」。又指「唔識得衣著體統，就像穿上踢死兔然後隨街來個亞洲蹲一樣」，只怪「和服體驗」租賃服務公司開到成行成市。

Photo from shutterstock

敗筆二：高談闊論旁若無人

而且街上遊人眾多，滿街都是遊客的呼喝聲，更指他們「隨時尖叫高談濶論旁若無人」，實在是對於環境的一種糟蹋，令他覺得不勝其煩，覺得噪音破壞了舊區應有的寧靜。

Photo from shutterstock

敗筆三：餐廳天價「劏」遊客

他指出淺草區作為遊客區，餐廳商舖價格與外面稍有不同實屬理解，不過一碗天婦羅飯收四千幾円他覺得難以接受，寧可到連鎖丼飯店天丼TENYA（天丼てんや）食一碗「乜都有」的元祖All Star天丼也只不過是¥720，而且味道絕對不輸¥4,000的丼飯。而懷石料理、壽喜燒等美食亦是同樣情況。

Photo from 天丼 TENYA Hong Kong

網民力撐指淺草已今非昔比

棠哥最後只感嘆「現在的淺草，無論看的、感受到的，都四個字形容：俗不可耐」，重申「以後還是不要見面好了，您自己多多保重」。網民見到此篇帖文，都稱棠哥寫得太好，大部分都認同淺草已經不復再，又指「大陸客、台灣、香港好多遊客都盡顯呢啲乞人憎行為，自己係香港人都係咁話」、「遊客區？劏客區而已」、「真心…作為遊客都唔想見到呢啲為錢嘅改變…改變雖然永恆，但變得俗不可耐，真的很難受…」、「聽過做導遊嘅朋友講，而家喺旅遊景點著和服嘅十居其九非當地人」