袁偉豪張寶兒仔仔百日宴！五星級酒店筳開32席，賓客獲送茅台
袁偉豪同張寶兒近日舉辦咗佢哋仔仔「袁咕碌」袁晞祐嘅百日宴，場地佈置十分童真，以森林動物為主題。當日有好多賓客出席，包括導演劉偉強、胡楓、汪明荃、羅家英、樂易玲、歐陽震華、黃宗澤同胡杏兒夫婦等等。而且，呢個派對嘅特色區域仲可以打卡留念，而且每位賓客都收到一支定制嘅小瓶裝貴州茅台酒作為禮物。整個宴會共有32席，星光熠熠。
Photo from 袁偉豪IG
袁偉豪同張寶兒為佢哋嘅寶貝仔仔袁咕碌喺紅磡五星級香港嘉里酒店酒店舉行百日宴，估計過萬蚊一圍，筳開32席，至少需$32萬以上，非常隆重。
Photo from 汪阿姐IG
當日場地佈置得非常用心。喺派對現場有好多童話故事中嘅可愛動物，例如長頸鹿等。整個場地充滿綠色植物同埋花朵，令人彷彿置身於一個真實嘅森林之中。而且，每張桌都有精緻裝飾同埋設計獨特嘅菜單，令賓客感受到袁家嘅用心。
Photo from 鄭紹康IG
Photo from 黃建東IG
Photo from 鄭紹康IG
喺接待區有好多唔同種類嘅蛋糕，每件$58～85元，更有一款招牌草莓西瓜蛋糕，根據官網4層蛋糕售價為$6,200，十分精緻。
Photo from 鄭紹康IG
袁偉豪同張寶兒亦為出席嘅賓客準備咗禮物！喺賓客禮物區嘅「貴州茅台酒」十分搶眼，應該係特別定制嘅，因為上面寫咗「貴州茅台袁咕碌酒」。呢支茅台酒唔單止有收藏價值，亦代表住袁偉豪同張寶兒對賓客嘅感激同祝福，係一個特別嘅紀念品。
Photo from 鄭紹康IG
Photo from 胡杏兒
而依場百日宴仲得到好多藝人嘅支持，佢哋包括汪明荃羅家英夫婦、歐陽震華夫婦、譚俊彥夫婦、樂小姐、黃宗澤、李施嬅、陳展鵬、胡杏兒夫婦、陳自瑤等。場面星光熠熠，尤如台慶，足見袁偉豪張寶兒夫婦喺圈中人緣甚佳。
Photo from 汪阿姐IG
Photo from 汪阿姐IG
Photo from 胡杏兒
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
袁偉豪拍抖音被路人指係「張寶兒先生」！本人無奈回應
15 Feb 2024
袁偉豪係一位42歲嘅演員，佢出演唔少電視劇。最近佢喺西關拍片嘅時候，有一位行人認得咗佢，但係卻唔記得佢嘅名字，只記得佢係「張寶兒嘅先生」。袁偉豪聽到之後大方地回應：「冇問題，你識佢就好，唔需要識我。」
袁偉豪升呢做爸爸無耐，佢之前喺內地拍劇，太太張寶兒都有去探班，仲喺深圳坐月添！而袁偉豪就keep住更新小紅書同抖音，與內地網民交流。
適逢農曆新年，袁偉豪就去西關寫揮春兼拍片，一開始佢已表明自己毛筆字寫得唔好，只屬初學者，但見佢都寫得十分認真。
而今次係佢寫緊揮春時，就有一位路人認出佢！不過，呢位路人卻講唔出佢個名，只記得佢係「張寶兒嘅先生」。袁偉豪聽到之後，雖然有啲無奈，但佢嘅回應卻十分友善同大方：「啱喇，你識佢得喇！唔使識我！」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
