細細粒減逾120磅！瘦身成功獲離異男追求，公開表白自薦做男友

Digital Editor

細細粒陳嘉佳早前宣布減肥，短短半年已成功減走121磅！雖然仍未達目標體重，但瘦身後嘅細細粒自信咗好多！更吸引到追求者，有一位自稱離異嘅男網友就向細細粒告白，希望自薦做佢男朋友。

Photo from 細細粒微博

現年38歲嘅細細粒早年北上開吃播，又加入直播帶貨嘅行業，發展相當唔錯，佢仲開埋海味店做老闆娘。之前有指內地禁吃播，令人擔心細細粒嘅吃播事業，加上佢一度自爆體重已達300磅，唔少網民都憂慮佢健康出現問題。

Photo from 細細粒小紅書

Photo from 細細粒微博

去年年尾，細細粒就下定決心要減肥，佢指身體的確有啲小病小痛，加上媽媽年紀大，唔想對方擔心自己，於是希望喺40歲前睇到一個全新嘅自己。短短半年，細細粒嘅減肥效果已十分明顯，成功減重121磅。

Photo from 細細粒IG

細細粒坦言仍未達到目標，現時佢嘅體重為有165磅，最後嘅35磅先係最難，希望夏天之前可以減埋佢！雖然如此，成功修身嘅細細粒自信不少，亦不時會分享自拍，更公開表示想拍拖，話大家可以介紹男仔畀佢認識。

Photo from 細細粒IG

Photo from 細細粒小紅書

Photo from 細細粒IG

有網民留言質疑佢喺抖音直播賣減肥藥，疑同佢自己講嘅減肥經歷自相矛盾，細細粒則回覆指佢賣嘅唔係減肥藥，而係supplement，因為自己年紀唔細，新陳代謝唔可以同後生比，所以減肥都要服用supplement幫助。

Photo from 細細粒IG

公開表示想拍拖嘅細細粒更吸引到一位男網友留言向佢告白！該男網友頭像係一位中年男子，佢自稱離婚4年，係家中獨子，父母都80幾90歲，父母驚佢哋離世後留返佢一個人，所以希望向細細粒自薦：「所以我都嘗試自薦俾妳！唔知道是否天真妄想？我都想有機會識到另一半到老，妳可以當我痴心妄想」

Photo from 細細粒小紅書

Photo from 細細粒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

細細粒成功減重100磅！身型纖細見到鎖骨！呻童年超重3大陰影

21 Dec 2023

38歲的「細細粒」陳嘉佳北上發展吸金力驚人。近日她在抖音自爆成功減重100磅！引起了廣大網友的關注和討論。從她抖音分享的影片中可見，現時細細粒身型明顯能看見線條，更已有鎖骨！

Photo from 細細粒抖音

細細粒近年在內地做「吃播KOL」，她的抖音更有134萬粉絲，可見大家都很喜歡看她品嚐各種美食。細細粒更開設海味店做老闆娘，事業發展十分順利，細細粒生活也富貴不少，出入都有HERMÈS、更盛傳擁有至少3物業。

Photo from 細細粒抖音

不過亦有網民擔心她暴飲暴食會影響身體健康，細細粒也曾自爆體重已達300磅！最近她就在抖音拍片分享自己決心要減肥！儘管她常常一邊吃東西一邊工作，但她的努力終於帶來了顯著的減重效果。

Photo from 細細粒抖音

細細粒表示自己由細到大都有超重問題，但今年自己真的下定決心要減肥。她指最高峰時期體重有260斤（約287磅）。細細粒坦言身型使她有拍電視劇的機會，但拍了一兩年後自己有很多想嘗試的角色，但導演往往直言她的身型只適合出演喜劇。

Photo from 細細粒抖音

細細粒也分享自己經常因為體重過重而有童年陰影。首先胖的人特別多汗，她指自己上學坐巴士，一到站起身座位就有兩攤汗；她又指曾去泰國玩機動遊戲，但安全帶扣不上，勉強扣上後因勒得太緊，她玩到中途就忍不住吐；與同學踩水上單車時，細細粒因為體重太重，令兩邊不平衡，有水湧入船，最終因安全問題而被叫上岸。

Photo from 細細粒抖音

細細粒也坦言自己身體的確不太健康，雖然沒有大病，但小病小痛也有不少，眼見媽媽年事已高，不想老人家太擔心自己，如今她希望在40歲之前看到一個不同的自己。

Photo from 細細粒抖音

她的努力和成果令人驚訝，在影片中可見細細粒減肥已有初步成果，身型線條明顯了不少，甚至更有鎖骨，跟之前圓潤身型的確有分別。雖然影片中細細粒未有透露自己現時體重，但她之前的影片卻自稱是170斤（約187磅）兔子，相信她已成功減了100磅！

Photo from 細細粒抖音

細細粒的減肥成就引起了廣大網友的關注和讚賞。許多人稱讚她的努力和成果，又指她瘦下來一定很好看！

Photo from 細細粒抖音

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel