早霸王｜梁嘉琪自爆曾被圈中前輩撩上酒店網友憑一線索推測「男主角」！

By Macy Sun on 05 Mar 2024

現年42歲的梁嘉琪於2020年離巢TVB後，便重返有線旗下的HOY TV為節目《一線搜查》擔任主持，其後去年3月起又跟森美、小儀搭夥一同主持商台903節目《早霸王》。而日前節目中，她就大爆自己曾在事業低潮時期，遭遇一位前輩的不尋常關心，更被撩上酒店，令全場譁然！

Photo from 《早霸王》Facebook

梁嘉琪早前在《早霸王》中談到曾經歷事業低潮期，她分享當時獲一位熱心前輩雪中送炭，更以想給予一些意見為由請她去飯局。而當時她實在感到徬徨，加上覺得對方能幫忙解決問題，於是便決定赴約，怎料該前輩其後卻漸漸露出真面目。梁嘉琪指，該前輩以她狀況不佳為由，主動提出接載她回家，途中兩人去了沙灘，她憶述：「佢送咗條水晶頸鍊畀我，佢同我講你而家有咩沮喪都好，你唔好放棄，望住呢條頸鍊…」

Photo from 梁嘉琪IG

更勁爆的是其後該前輩竟約梁嘉琪上酒店房，梁嘉琪指當時對方表示：「我喺嗰面book咗間房，今晚我陪你，我陪你傾偈…」然而心水清的梁嘉琪當然立即果斷拒絕：「我同佢講：『我都好鍾意你女朋友XXX』，因為我要畀佢知我知佢有女朋友，但佢就話『哦，係呀』。」然後她就急急腳回車上拿手袋離開，並向對方禮貌道謝：「多謝你今日陪伴，我冇事啦。」

Photo from 梁嘉琪IG

不過聽完梁嘉琪的分享，森美和小儀就認為是梁嘉琪自己「畀錯Signal」，她答允行沙灘才會引致對方誤會，森美更嘲諷梁嘉琪：「我覺得佢唔係睇中你美色，我對你評價好低，我唔相信。」梁嘉琪則回應說，如果大家知道那位前輩的身份，可能會更加難以接受。而這段爆料在節目播出後亦引起了網民的熱烈討論，有人推測事件可能發生在《學警狙擊》時期，事關當時梁嘉琪一度被狠批演技和外貌：「九成九係佢《學警狙擊》嗰期」、「譚仔定單手爬山？」、「係咪學警衝動王？」、「奧運六子其中一件？」。

Photo from 梁嘉琪IG

Photo from TVB圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

早霸王｜外判司機爆TVB一線男藝人態度差勁孤寒擺架子假萬歲網民列3大可疑人物！

30 Nov 2023

由森美、小儀及梁嘉琪主持的電台節目《早霸王》，近日有自稱前TVB外判司機的聽眾來電，爆料工作期間曾遇某位一線男藝人，對方態度差兼勁孤寒。不但在未紅前擺架子，更扮豪氣假萬歲實質超小器，令森美和梁嘉琪都紛紛認為該男藝人冇大將之風。而節目結束後亦引起網友討好奇心，發揮偵探精神列出2大線索，歸納出3大可疑人物！

Photo from 《早霸王》Facebook

《早霸王》近日推出全新環節《What the工》讓聽眾在大氣電波中申訴打工仔委屈，而日前就有一位聽眾黃先生自稱曾做TVB外判司機向電台爆料，指自己負責駕駛外景車，表示曾接森美及嘉琪，大讚：「你哋2個非常好，very good！」。同時他就透露曾接載一位現時已是一線的男藝人，當時男藝人初入電視台不久，指對方要拍外景飲食節目，同行有導演、PA、攝影師及撰稿員。男藝人拍完之後便上車休息，但因為工作人員要搬器材上車，於是他把車移一移，但竟遭對方大鬧︰「你做乜嘢？」及後眾人上車離開，當駛至荃灣時，其他人落車，「佢仲坐喺中間繞埋手，擘大對腳坐喺度，咁我咪開車，佢突然好大聲鬧：『你做乜嘢呀？我都未落車！』我心諗，一線都冇你咁樣啦！」

Photo from 《早霸王》Facebook

其後黃先生又再爆料，透露該名一線男藝人的孤寒行為：「有次出外景，大家去餐廳食飯，（公司）會有30蚊飯錢準貼。一線藝人心情好，喺現場大大聲話『今日我包底（繳付全場人士扣除津貼後的飯錢）』。咁我哋咪食，但事後佢同劇務講：『呢6個唔係直屬TVB員工，點解要請呀？』劇務之後同我講：『唔怪得之，佢以為我呃佢錢啦！』」森美聽聞十分驚訝說：「咁又唔OK喎！」嘉琪亦說：「連我呢啲下線都請啦！」

Photo from 《TVB娛樂新聞台》截圖

黃先生續說：「咁我同劇務講，唔緊要，每人都係凸十幾蚊，我畀夠20蚊一個，6個人即係120蚊，多咗我請佢（一線藝人）飲茶嘅，唔好咁小器！」令森美和梁嘉琪都忍唔住批評：「呢種計較有啲奇怪，同我合作過嘅都好少會係咁。」、「好冇大將之風！」。但同時森美就點名指一線小生中，大讚陳豪出名好人，梁嘉琪亦讚馬國明友善，二人一定不是嫌疑犯。

Photo from IG@moses_chan_

Photo from IG@kennethmkm

而一眾網友在聽完這集節目後，亦紛紛表示好奇想知究竟一線男藝人是誰！而其後隨即就有網友列出2大線索，並歸納出3大可疑人物。有人指第一個線索為「某前夫」，第二個線索則為「去唱卡啦OK但唔唱」，令網民猜想「王浩信」、「吳卓羲」、「陳山聰」都極有可疑，不過就有人提出「王浩信機會低啲，佢都未離婚未係前夫」。然而同時就有網友懷疑司機的爆料難以令人信服，認為「萬歲唔係必然，人哋鍾意請就請，唔鍾意請都係應該，咁都要畀你話孤寒？唔見車長你話請返全Crew人」、「貪得無厭！人哋係咪一線都好，都係血汗錢，係咪奉旨要萬歲！你啲錢就係錢人哋嗰啲就要豪畀你！係咪做娛樂事業也好，任何一行也好，唔係老馮的！」。