袁詠儀與內地芭比網紅合照，網紅樣子嚇窒網民！曾公開素顏照

近日影后袁詠儀（靚靚）出席內地活動，大會亦邀請好多網紅參加，靚靚好親切咁同一眾網紅合照，其中一位名為「芭比迪麗拉」嘅網紅卻掀起關注，其真樣嚇親唔少網民，超尖下巴令人不安。

Photo from 小紅書

靚靚近年同老公Chilam北上發展，貴為影后嘅佢除咗真人騷之外亦有參演過電視劇。近日佢就出席咗內地一個公開活動，並成為話題。不過掀起熱議嘅原因同靚靚關係唔大，而係大合照企喺佢隔離嘅一位擁有百萬fans嘅網紅。

Photo from 小紅書

作為明星，活動方安排咗一眾內地網紅同靚靚合照，其中一位身穿白色裙嘅網紅卻因為超白皮膚、超尖下巴、極高鼻樑而引起關注，有網民指呢位網紅令佢諗起《西遊記大結局之仙履奇緣》入面「黑山老妖」。

Photo from 小紅書

睇更多人氣文章：
日本最受歡迎10大主題樂園！遊客+當地人投票，東京迪士尼只排第3
旅客登機後肚痛頻去廁所 竟被航空公司一理由趕落機 兼不獲安排另班機+住宿？！

Photo from 《西遊記大結局之仙履奇緣》劇照

有網民發現呢位網紅叫「芭比迪麗拉」，喺小紅書有逾百萬fans，喺抖音更有超過722萬fans！而佢喺本人嘅社交網站中公開過好多影片同自拍，誇張嘅妝容比起現實有過之而無不及。

Photo from 芭比迪麗拉微博

Photo from 芭比迪麗拉抖音

Photo from 芭比迪麗拉微博

Photo from 芭比迪麗拉抖音

芭比迪麗拉拍嘅片通常都會著得十分隆重，因此佢都會化上濃妝。不過喺小紅書有造型師分享過佢淡妝嘅樣子，唔少網民都指佢唔化濃妝個樣比較自然：「居然那麼清新啊」、「這樣比化濃妝的樣子好看多了」

Photo from 芭比迪麗拉抖音

Photo from 小紅書

芭比迪麗拉2017年曾經上過內地綜藝節目，當時主持人問佢有無整過容，佢堅稱喺媽咪肚入面已經係咁嘅樣，更公開卸走眼妝，似乎想證實自己係「純天然」。不過有睇過佢直播嘅網民則質疑佢連食嘢都無法擘大口，點睇都係唔自然。

Photo from 抖音

Photo from 抖音

Photo from 芭比迪麗拉抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）