Alan@E-kids斥阮民安忘恩負義為抽水老屈曾志偉改隊名：你可當我同阿Tim死嘅？

By Macy Sun on 13 Mar 2024

TVB選秀節目《亞洲超星團》團體被曾志偉賜名叫「Loong 9」一事連日來討論度十足，E-kids的Tommy（阮民安）近日更爆料曾志偉改怪名有前科，曾幫E-kids改名叫「A4」惹起熱議。不過就在昨日（12日）E-kids另一成員林詠倫（Alan），就突然在社交平台怒斥Tommy講大話，轟Tommy為抽水攞光環屈曾志偉改隊名，並大爆當年被改名的另一版本！

Photo from Alan Facebook

Photo from 阮民安facebook

林詠倫（Alan）昨日（12日）在社交平台上發文，反駁Tommy早前指曾志偉在E-kids出道前為其組合改名一事，怒指Tommy為抽水攞光環不惜講大話：「我可以好肯定A4唔係曾志偉改，E-kids又肯定係公司改~好心唔好成日抽水攞光環喇！真係人唔笑狗都吠。」

Photo from TVB截圖

Photo from Facebook截圖

Alan在留言區道出當年被改名「A4」的另一版本：「因為未出道時係4個人，當時經理人改叫(A4)不是曾志偉改的，第二笑A4紙是當時出席某D活動，我哋經理人介紹俾林珊珊識時(珊珊姐)，就開玩笑說4A?紙嚟㗎？講真有時唔好咩都出嚟認屎認屁~平時你點話依個話嗰個都無所謂，但咁屈X以前扶持過你嘅，我就忍唔住(冒住俾人X我都係咁講要記住你自己風光時就係度X eKids隊友，有水抽時就爭L住光環。真係人無恥便無敵。)」

Photo from Facebook截圖

Photo from Viu TV截圖

不過出Po發洩亦好像未能紓解Alan怒氣，之後Alan更是開直播直接評論事件，直指Tommy忘恩負義：「嗰個人始終幫過你，如果比著我都唔會咁樣講，睇得好唔開心，嗰個人幫過你，而家飛黃騰達你就會對人好嘅；但如果幫過你，你自己唔得嘅，一有啲咩你就去『擾』人，咁邊個同你玩啫？」

Photo from Alan Facebook

另外Alan亦指過往Tommy已發生過類似認屎認屁事件，不過自己一向不理會其他人講什麼，堅持行正途，因知道E-kids是大家的集體回憶，故當時沒有公開踢爆Tommy的所作所為。但這次Alan實在睇唔過眼忍無可忍：「有人話阿邊個咁樣講，係咪真㗎，我會問，你覺得呢？唔怪得佢哋，佢咁講人哋咪信囉，但係你可以當我同阿Tim死嘅？可以自己咁樣去講，我覺得好搞笑囉！你唔撈啫，大家都撈緊，唔好搞到得罪晒啲前輩，講真，冇佢就冇我哋今時今日。」最後他更寄語Tommy：「搵唔夠咪努力啲囉，唔使咁樣，我真係做唔出。」

Photo from 網上圖片

而對於這個「抽水」風波昨日就有傳媒向Tommy查詢，其本人就回應稱：「其實佢哋成班喺度圍爐思覺失調，係無嘢值得我回應。不過想同佢哋講，無論佢哋衝多幾多次出嚟奶153 奶阿叻，之後玩到《中年好聲音》18(第18季)都係唔會有佢哋份㗎，笑死依家上咗大陸做明星，就練好啲國語，唔好X hea。」

Photo from 阮民安facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

阮民安爆曾志偉改怪名有前科「Loong 9」未算最癲原來曾賜名E-kids叫「XX」！

12 Mar 2024

TVB選秀節目《亞洲超星團》65位超星練習生歷經7個月時間，最終在上星期迎來最終回選出9人組成限定男團，被TVB總經理曾志賜名叫「Loong 9」惹起近日熱議。而作為MK pop元祖E-kids的Tommy（阮民安）近日就爆料曾志偉改怪名有前科，原來當年曾志偉都有份幫E-kids改名，原名竟然仲爆過「Loong 9」？！

Photo from 阮民安Facebook

Photo from 亞洲超星團微博

《亞洲超星團》出道男團「Loong 9」團名成為網上連日話題，或許是因為看到「Loong 9」團名有感而發，Tommy（阮民安）昨日（11日）突然於社交平台上發文回憶起E-kids的舊日故事。據悉當時E-kids的成員還包括Alan（林詠倫）和Tim（鬱禮賢），他們原本是由譚詠麟提攜，並在東方魅力旗下出道。這家公司的創辦人包括了譚詠麟、陳百祥、曾志偉、成龍和梅艷芳等重量級人物。而Tommy就提到在E-kids正式出道前，原來曾志偉對於組合的名字早有想法，並第一個比意見建議組合叫「A4」，令他們三人哭笑不得。

Photo from 網上圖片

Photo from 阮民安Facebook

Tommy亦透露當年自己年少輕狂，在第一次會議曾志偉興奮地介紹這個名字時，他就忍不住直言：「A4？紙嚟㗎？」這句直率的反應頓時令會議室一片寂靜，曾志偉更是面露不悅，馬上黑面叫散會。儘管如此其後組合還是以「A4」的名字參加了新秀比賽，不過最後由於Tommy堅持要求改名，所以最終才有了大家熟悉的E-kids。

Photo from 電視截圖

Photo from 阮民安Facebook

而提到「Loong 9」，Tommy就指對看到曾志偉再次以這樣的方式命名新男團，他並不感到意外。他認為雖然這個名字可能會讓「LOONG 9」的成員在未來「俾人笑一世」，但既然加入TVB至少他們的薪水是有保障的。最後Tommy亦有感激曾志偉以這樣的方式，為香港人帶來了一些歡笑，指：「再次多謝153為苦悶的香港人提供咗笑話一則」