SoChing退團COLLAR後激罕受訪預告將赴美國發展？談阿Mo意外心路歷程：好似發咗場夢！

By Macy Sun on 13 Mar 2024

SoChing（蘇芷晴）自男友李啟言（阿Mo）因2022年MIRROR演唱會墮屏事故重傷以來，先是低調照顧男友，後來更是決定退出女團COLLAR淡出幕前。直到去年SoChing才重操舊業再做跳舞導師，並推出翻唱歌曲兼開設個人Youtube頻道轉做網紅。而似乎已走出男友重傷陰霾的她，日前就極罕有接受訪問談及阿Mo意外心路歷程，並透露未來計劃？！

Photo from SoChing IG

Photo from IG@matthewfeiii

近日SoChing接受YouTube頻道「膠保廢」邀請亮相節目，跟兩位主持人阿保和Matthew一齊入廚整意粉。當中SoChing除了在節目中大晒廚藝發放笑料外更有談及個人近況，指自己近來仍有一直教跳舞班，並透露正準備參加一個國際性跳舞比賽「World of Dance」，冠軍有望到美國交流。不過當主持問到SoChing是否要到美國發展時，SoChing即表示：「會返嚟㗎嘛！」看似非常有信心，被主持笑指：「即係佢去硬。」

Photo from YouTube頻道「膠保廢」截圖

Photo from SoChing IG

而當被問道如何走出男友阿Mo受重傷陰霾時，SoChing就表示：「主要都係因為時間……好老套咁講，時間可以沖淡一切。因為我以前唔信㗎，以前聽就會覺得『你實咁講㗎啦』，但原來基於呢件事嚟睇，都幾套用到。」至於面對網民不同的聲音，SoChing就坦言從不理會：「老實講我係從來冇睇，即係除非真係彈到埋嚟囉，因為我冇開任何通知，冇咩必要都唔會撳嚟睇。有啲留言無論好定壞都會觸發到我情緒，但我想自己穩定啲。」

Photo from YouTube頻道「膠保廢」截圖

Photo from SoChing IG

SoChing亦坦言會有負面情緒，不過這些情緒就愈來愈難影響到心理，事關她自覺生活焦點已有所不同。而回望過去兩年，SoChing就指：「我覺得話好似發咗場夢好貼切，我覺得最大轉變係我個人慢返少少囉！一直都係個好心急嘅人，唔係好諗嘢㗎，簡單啲嚟講即係冇乜用腦。但上年年中打後開始，搵返自己生活節奏，就慢慢知道其實自己係點生活先比較好。」同時她更認同是受男友重傷事故影響，令她得以急速成長。

Photo from YouTube頻道「膠保廢」截圖

Photo from SoChing IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

So Ching退團｜MIRROR紅館意外後回應整合，網民不滿成員出席記者會「受靶」

10 May 2023

阿Mo女友So Ching今日下午宣布退團，而COLLAR成員聯同經理人同日召開記者會交代事件，MIRROR紅館演唱員意外發展至今，除調查進度，So Ching嘅狀況亦受到關注，以下亦整合部分時間線，為大家釐清事件。

Photo from So Ching IG

So Ching發文宣布退出COLLAR

去年7月28日MIRROR紅館演唱會發生墜屏事故，導致舞蹈員李啟言（阿Mo）嚴重受傷，事件至今約10個月，今日（10日），阿Mo女友蘇芷晴(So Ching)宣布退出COLLAR，So Ching下午於社交平台出post稱：「當天留下的創傷一直無法被療癒」，雖然呢段時間仍有參與團隊活動，但呢一刻So Ching「仍未能完全適應幕前工作」，因此經過考慮及商討後，So Ching最終決定退出COLLAR。

Photo from So Ching IG

MakerVille開記招宣布「COLLAR最新動向」

經理人戴穎稱：「公司同我哋都非常之尊重佢(So Ching)嘅呢個決定，喺未來嘅日子，我同團隊會一直同COLLAR一齊行落去亦都會祝福So Ching佢搵到自己嘅方向」，COLLAR隊長阿Gao表示呢段日子見到So Ching「好努力咁去嘗試平衡佢嘅各方面，包括重新踏上舞台嘅生活」，希望大家畀So Ching空間重新出發，並完全支持So Ching嘅決定，而COLLAR會以7人為團隊繼續發展，唔會加入新成員。

Photo from Instagram @6y_day

記者會成員回應引議

去到記者提問環節，有記者問到成員Winka早前提到嘅「8-1=0」，Winka表示：「呢個說法係我自己好想畀一個力量So Ching，話俾SoChing聽，我哋之後嘅團歌，或者新作品，會好想等佢返嚟先做，但係佢而家有呢一個決定，我哋係一定要尊重」又表示「8-1=0」即而家係「歸零」：「所以我哋重新出發！希望大家會繼續支持我地嘅作品。」問到So Ching同MakerVille嘅合約，戴穎表示，合約上嘅細節唔方便透露，暫時仍與So Ching商討中。不過記者會就引嚟唔少網民批評，直斥ViuTV推COLLAR成員出嚟「受靶」面對傳媒提問，而唔係由經理人答。

Photo from 連登討論區

So Ching回應整合

意外發生後，So Ching一直照顧男友，未有露面，但社交平台上仍不時更新動態，包括對男友嘅掛念及打氣，以及跟進男友嘅康復進展，意外發生後，有網民發現So Ching已取消追蹤公司MakerVille、ViuTV、花姐、魯生、排舞總監Rock Sir及MIRROR成員等IG帳號，事發後半個月，So Ching轉發咗針對「舞台環境、表演者薪金以及安全 VIU低成本樣式速食」嘅文章，疑將矛頭指向公司。