港女帶老公深圳電髮中伏疑被當水魚狠劏¥1500 髮型電直變電攣：頭髮全部爛晒！

By Macy Sun on 15 Mar 2024

近年港人越來越喜愛北上消費，除了一般吃喝玩樂，更有人會上去美甲、整頭髮！不過近日就有一名女網友於社交平台上出Po，分享早前帶天生攣髮的老公北上電直頭髮的不快經歷，大吐苦水指不但疑被店鋪當水魚狠劏¥1500以貴價電髮，髮型師更將老公頭髮由電直變電攣，最後搞到「頭髮全部爛晒」！

Photo from 《請問，還有哪裡需要加強》劇照

近日，有名女網友在Facebook群組「深圳大陸吃喝玩樂交流 (By Runhotel)」上發文，大吐早前與老公上深圳電髮的中伏經歷！她提到自己早前替天生攣髮的老公預約了位於羅湖地王購物中心的一間髪型店整頭髮，由於對當地髮型屋不太熟悉，以免中伏她預約前更是特意上大眾點評做足功課。見該間髮型店算有規模便不虞有詐，還指定預約了一位「望上去比較穩重嘅髮型師」，並在備註欄指名要「拉直」服務，以為一切十拿九穩萬無一失，怎料卻出了大事！

Photo from Facebook截圖

事主指老公電完髮後，完全沒有拉直效果甚至變成了燙髮，髮根部分更「全部卷到炒晒」。事主表示老公當時已經不停強調要拉直，然而該髮型師卻像活在自己世界一樣，「口講應承，做出嚟又係第二回事」，結果「頭髮全部爛晒」，最終要再揾其他髪型屋補救。不過最令事主生氣的是，負責的髪型師竟然「唔係預約嗰位」，令她與老公既無奈又谷氣。

Photo from Facebook截圖

另外除了髪型不似預期，事主更懷疑自己被當水魚，「一個男仔短髮，佢可以話頭頂一個價錢，側邊唔同電法唔同價錢(我哋拉直咋喎會有咩唔同電法）計計埋埋計出嚟要成$2000，跟住話俾啲咩優惠折咗都要差唔多千五！」而最終由於事主在店內是以美團付費，故此已向美團投訴店鋪。

Photo from Facebook截圖

帖文一出雖然亦有不少網友同情事主的遭遇，但就有人表示不理解事主「冒險」北上整頭的行為：「返大陸食野玩下OK，整頭不了......又唔係平過香港......始終兩地風格唔同」、「$2000 香港做都大把選擇」、「緊係香港整啦！尤其係藥水嘅嘢…點知佢用咩藥水呀？會唔會偷龍轉鳳呀？甩頭髮或頭皮敏感傷皮膚點算啊？我就唔會攞個頭去搏囉！」更有網友笑稱：「呢個係生意失敗嘅造型」、「呢個好笑」、「呢鑊真係loong 9晒Btw 自己唔睇Tony老師真係冇得怪人當買個教訓囉」

Photo from 《本日公休》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港人北上遇新疆切糕陷阱講好要$20點知切完變3位數網友：一刀下去馬雲都落淚！

23 Feb 2024

新疆切糕騙案相信不少人都有聽過，本以為是街上擺賣的普通平價糕點，但一刀切下去很有可能就要收天價，令不少網民都表示要小心！而日前就有港人於蓮塘口岸旁邊發現再有新疆切糕黨出現，更目擊有港人墮入陷阱，引起討論！

Photo from Facebook圖片

近日有網友於Facebook群組「深圳大陸吃喝玩樂交流 (By Runhotel)」上發帖，表示自己於蓮塘口岸旁邊發現有新疆切糕攤檔出現，並目擊有港人受騙的過程。網友提到該名港人或因好奇去問攤檔老闆切糕價錢，於是老闆便回答說到：「¥5 /兩，要上秤」。其後客人表示要¥20左右，豈料悲劇就隨即發生，網友表示：「客人無概念嘅時候，就會話『差不多』亦都可能會諗，應該唔會太貴掛，一刀下去，呢片¥110」

Photo from Facebook圖片

帖文一出引起網民熱烈討論，不少人都指新疆切糕是出了名的陷阱：「有睇過抖音都知係伏」、「同尖咀藥房賣蔘無分別」、「一刀一層樓呀！佢哋好狡滑，唔係買，真係問都唔好問！」、「切糕刺客未聽過？一刀破產都發生過」。更有網友分享指內地網絡上曾流傳一句有關新疆切糕的話：「一刀馬雲落淚，兩刀建林心碎，三刀化騰下跪，四刀強東認罪，五刀蓋茨崩潰，六刀地球破碎，七刀宇宙崩潰，八刀天堂再會！」

Photo from 《愛回家》劇照

Photo from Facebook圖片

另外就有網友表示不理解，認為切後見價錢不對勁大可選擇不買，隨即就引來網友反駁指這樣做下場隨時更慘：「係大陸一直係呢個操作，聽說過有的人切了不買還會被他們動武」、「新疆花生糖出咗名搶錢，切一片仔要百幾兩百，唔買即圍你，所以唔好亂試」、「千祈唔好買，問都唔好問，佢一切，你就要比錢，唔要？佢哋會發惡，拿起手上把刀凶人，成班人圍埋來，周圍嘅人都唔敢幫手的……真人真事！」