張致恒獲出價1萬買Twins電話！坦言吸引但拒絕，返新工賺錢養家
張致恒最近終於再次返工，佢上載咗幾張佢喺相，表示自己有做派傳單同喺茶餐廳工作，另外佢最近喺IG分享有人願意出價$1萬向佢買明星個電話號碼，張致恒就指價值好吸引，但唔會出賣朋友。
Photo from 張致恒IG
張致恒同太太區燕雯（雯雯）之前講到佢哋個家境唔係咁好，但係為咗養育佢哋四個仔，佢哋依然努力工作。雖然經常被指唔肯「正正經經搵工」，但Steven夫婦的確諗咗唔少賺錢方法，例如開設影片製作公司、大晒QR code呼籲大家為佢哋提供經濟援助。
Photo from 張致恒IG
Photo from 張致恒IG
不過之前張致恒同雯雯就宣布與投資者終止合作，影片製作公司計劃不了了之；晒QR code佢亦指自知唔係明智嘅決定，但希望外界會幫佢渡過呢一個月難關。
Photo from 張致恒IG
唔知係咪有人接濟，一個月後張致恒就公開近照，自稱：「我派緊傳單」、「一陣間返入廚房」，似乎已搵到新工，佢之後再更新IG Story，表示：「今日做外賣仔」
Photo from 張致恒IG
Photo from 張致恒IG
唔少網民表示肯踏實工作係最好，但亦有人擔心佢依家喺茶餐廳嘅工作唔知係咪可以長久，因為張致恒之前亦曾打工，但最終都係辭職，然後再喺網上公開呼籲大眾「資助」，未知今次佢可以堅持幾耐，擔心佢重施故技。不過佢有喺IG指自己有意搵多份工，希望有人介紹佢。
Photo from 張致恒IG
Photo from 張致恒IG
不過張致恒其實都有其他「賺錢渠道」，佢喺社交媒體分享有人問佢願唔願意出賣明星個電話號碼，對方甚至願意出價$1萬買Twins嘅電話號碼。但係張致恒堅決拒絕，雖然佢一開始有問對方肯出幾多錢，但未獲答覆就表明：「大部分（明星電話號碼）都有，但係我唔會賣」張致恒指：「其實係幾吸引嘅，但係我從來都唔會出賣朋友」，但佢亦自嘲：「雖然我而家冇朋友」
Photo from 張致恒IG
Photo from 冤枉娛樂
Photo from 冤枉娛樂
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
張致恒雯雯製作公司與投資者終止合作！收費離地，網民：根本就係懶
9 Feb 2024
張致恒（Steven）同埋佢老婆雯雯（區燕雯）之前開設咗自己嘅影片製作公司，計劃拍攝各種話題嘅影片，但唔夠一個月就宣佈結束同Uglyfamily網站投資者嘅合作。
呢對夫婦過去常被網民稱為「離婚界KOL」，佢哋一直面臨財務困境。佢地試過做唔同工作，但係冇一份長期穩定嘅工作。上個月張致恒夫婦就宣佈開製作公司，幫人拍片之餘亦會分享兩性婚姻。
佢哋推出多個節目：《小小鹹 多多趣》、《雯所未雯》、《致家煮意》、《同恒搵食》、《大娛樂家 娛樂大家》等。一共3種收費：月費計劃任睇HK$388；精選影片一條（影片有效觀看期為兩星期 ）HK$100；付費會員全集內容搶先讀HK$100。
當時已有網民質疑定價離地：「Netflix 4K family plan 先至係93蚊一個月」、「呢啲咁嘅節目內容收$100 一條片」、「$100影片，$69聲音？齋聽聲都$69，你兩個邊位？」不過有指已賺$6萬！
不過，未夠一個月佢地就宣佈終止合作：「因與Uglyfamily網站投資者工作理念不合，所以已經終止所有合作！多謝大家嘅支持。」。網民對呢個消息好關注，展開咗熱烈嘅討論。
佢地嘅合作結束除咗引起關注之外，亦引起唔少猜測同埋疑問。有啲網民諗佢地可能發生咗唔和睦嘅事，因而決定結束合作。亦有啲人認為佢地嘅製作公司開張冇生意，所以決定停止運作。
佢哋嘅製作公司似乎都冇進展，原本預計推出嘅節目至今只有《小小鹹 多多趣》同《大娛樂家 娛樂大家》分別推出咗第一集，其他節目仲未有任何產出。呢個情況令人質疑佢地嘅能力同埋管理手法。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
