TVB突播恐怖廣告女鬼嚇窒觀眾！網民猜測為宣傳呢個節目？！

娛樂新聞

By Jennifer on 10 Apr 2024

Digital Editor

TVB琴晚喺廣告時段時突然插入恐怖廣告，令唔少網民表示不安！當時正播放《玲玲友情報》嘅宣傳廣告，之後卻轉成陰森嘅背景，韆鞦喺空中回盪，更有一名紅衣女鬼出現，由於時值深夜，好多觀眾都話被嚇親！

Photo from TVB

琴日夜晚11點幾時TVB突然喺廣告時段播出「恐怖廣告」，即時掀起唔少網民嘅熱議，連登討論區、小紅書都有人開post「TVB岩岩播左個好恐怖既廣告」、「無啦啦播埋啲恐怖廣告」、「凌晨TVB鬧鬼」。

Photo from 小紅書「香港晴晴生活日記」

琴晚喺播出麥玲玲主持嘅節目《玲玲友情報》廣告後，畫面忽然突變，由彩色變成陰暗風，然後出現空韆鞦，最後更驚現一名紅衣女鬼！廣告好短，約2～3秒，但由於喺深夜時分播放，唔少網民都感到十分衝擊！

Photo from TVB

有人懷疑TVB被黑客入侵，亦有人認為係TVB嘅廣告，因為恐怖廣告前一個廣告《玲玲友情報》播出後畫面有明顯嘅變化，effect係一致，應該係原本就安排好嘅宣傳。

Photo from LIHKG

之後有網民表示原來呢個恐怖廣告唔止一個版本，有內地網民稱凌晨2:34左右喺《不正常愛情研究所》廣告後同樣出現恐怖廣告，今次背景變成屋村走廊，一個足球擺喺路中間，之後紅衣女鬼出現。

Photo from 小紅書

仲有一個電梯版，電梯打開後本來空無一人，但紅衣女卻憑空出現。唔少網民表示睇完好不安，更揚言要投訴！有網民就猜測TVB係為嚟緊播出嘅靈異節目做宣傳，翻查TVB的確將推出以靈異直播為賣點嘅新節目，主持人係梁思浩，會邀請玄學大師、殯葬業同廟宇界分享業界嘅奇聞異事。

Photo from TVB

Photo from LIHKG

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Ash拍靈探節目俾193狂寸傳鬼魂專襲擊不忠者 193:1個鐘掐你1次

4 Aug 2023

25歲的鍾卓穎(Ash)前年參加《全民造星IV》彈出，不過比賽期間她被爆隱瞞已婚身份，後來又被拍到與張天賦(MC)平安夜逛超市，鬧出全城關注的派綠帽事件，Ash形象插水。幸好她仍獲ViuTV賞識簽約成旗下藝人，在不同節目頻頻曝光。最近她與193主持靈探節目，到訪一間猛鬼酒吧，相傳這裡的鬼魂專襲擊感情不忠者，Ash被193狂寸顯得非常尷尬，事件引起網民熱議。

Photo from 《撞鬼自駕遊》

兩人去猛鬼酒吧留宿曾有客人被鬼魂掐頸

近期ViuTV熱播的節目《撞鬼自駕遊》由Ash顆拍193到英國取景拍攝，以自駕遊方式到當地各個猛鬼熱點進行靈探。上星期播出的一集中，兩人去了一間約克猛鬼酒吧，據說該酒吧前身是有600年歷史的舊宅，過去發生了不少靈異事件，現變成酒吧，不過二樓仍有房間出租讓客人留宿，導遊表示據傳有人在這裡曾被鬼魂掐頸及扯頭，而193與Ash要在這裡完成探靈挑戰及留宿一晚。

Photo from 《撞鬼自駕遊》

相傳鬼魂專襲擊感情不忠者 193指Ash會不停被掐頸

其後導遊表示據遠古流傳下來的說法，鬼魂專門會襲擊對愛情不忠的人，193聞言偷偷用手指向Ash，向觀眾解釋：「如果你係...即係你對愛情不忠貞，有內疚的話，就大機會俾鬼掐頸。」Ash先問193：「你對感情有冇內疚？」193表示有，再反問對方，Ash顯得一臉尷尬，回應：「有呀有呀有呀...」193續指：「你有好多內疚添喎」Ash無奈表示今晚大家一齊被掐頸吧，193失笑一下再補充：「我肯定你今晚被掐頸都唔出聲，一個鐘掐一次呀可能，跟住扮冇呀聽朝。」之後Ash苦笑打圓場：「咩一個鐘一次，鬧鐘呀」

Photo from 《撞鬼自駕遊》

二人大玩鉛筆通靈 Ash對鏡梳頭唱歌好心寒

其後節目組要求兩人用6支鉛筆以名為「Charlie, Charlie」的方式通靈，若鉛筆向上升即代表是，向下則否，兩人先問是非題確認房間靈體的性別及數量，之後193表示想問靈體自己今晚會否被掐頸，但最後因太驚不敢問出口，Ash則自告奮勇：「咁我問啦，我想問我今晚會唔會有事？」鉛筆即向上升，隨後Ash感到不安，兩人終止通靈，Ash突然感到不適，有點呼吸困難，不過節目組表示仍有最後一個鏡頭要在Ash房間拍攝，他們要求Ash對鏡一邊梳頭一邊唱歌，更在鏡邊點起4枝蠟燭，Ash即硬着頭皮完成拍攝，唱完歌後把蠟燭吹熄，場面令人心寒。

Photo from 《撞鬼自駕遊》

離婚風波形象插水仍獲ViuTV力捧惹網民不滿

Ash前年經歷離婚風波後形象插水，不過仍獲ViuTV器重，獲機會擔任不同節目，單是今年在10個節目中亮相，包括《養生一族》、《Chill Club》、《撞名撞城遊一番》、《我想身體健康》、《撞鬼自駕遊》及《全星暑假：P1X3L 5G上台計劃》等，當中不少更是擔任長駐主持。不過此舉亦引起網民不滿，更表示要擺睇Ash的節目：「全部有ash嘅節目都無睇」、「好想睇33但又有ash直接唔睇了」、「有ash不了」