金像獎2024| 衛詩雅被揭原定演《白日之下》5年前曾同導演去法庭聽審備演？！

By Macy Sun on 12 Apr 2024

第42屆香港電影金像獎即將於本周日（14日）舉行，賽前余香凝就先憑電影《白日之下》奪香港電影導演會「最佳女主角」，成為今屆金像獎影后大熱人選。不過近日就有報導指起初《白日之下》的女主角人選原來另有他人，對方竟是亦有份提名本屆金像獎女主角的衛詩雅？！

Photo from 香港電影金像獎FB

衛詩雅（Michelle）今年憑電影《不日成婚2》，入圍香港電影金像獎角逐最佳女主角，而頒獎典禮在即Michelle近日就有接受傳媒訪問。然而訪問中Michelle就被揭原來曾參與籌備電影《白日之下》，2019年5月更曾與導演簡君晋到法庭，就電影原故事護老院「康穚之家」案聽審。當日Michelle見傳媒就指，自己是為了電影內記者角色做準備，而《白日之下》播出後片末播出的參與名單，亦見有「特別鳴謝」衛詩雅的字眼。

Photo from 《不日成婚2》劇照

Photo from 《白日之下》劇照

據悉，《白日之下》導演簡君晋在籌備劇本的5年間，曾向多位老闆洽談但一直未能成事，直至去到古天樂手上已是第五位才拍板。當中相信英皇電影曾有意開拍該劇本，而英皇旗下藝人衛詩雅疑似亦有幫忙穿針引線。

Photo from 《白日之下》劇照

然而對此衛詩雅就稱箇中詳情由於身份尷尬不願多談，不過她就表示：「如果有好嘅題材我都會去幫手，做一個好嘅橋樑，我想件事做得仔細啲，但冇辦法，戲有戲嘅命，你永遠唔知之後會發生咩事。只可以話每個都係經歷，如果下次再有呢個機會，我都會咁做，咩崗位我都有興趣幫手，除咗導演，因為我做唔嚟。」大方態度令不少網民都慨嘆道：「時也命也」、「想睇佢做個角色」，同時亦有人祝福Michelle日後可以得到更好的角色。

Photo from 香港電影金像獎FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

金像獎頒獎嘉賓被批唔專業！王丹妮唔識讀人哋個名／凌文龍頒獎甩轆！

17 Apr 2023

第41屆香港電影金像獎昨晚（16日）完滿結束，不過當中有唔少爭議點，就連頒獎嘅嘉賓都引起討論，網民批評嘉賓唔識讀得獎者個名之餘，仲搞到頒獎甩轆，就連劉德華都有出錯！

Photo from ViuTV

麥浚龍被指收咗廣告費？

「最佳服裝造型設計」由麥浚龍頒發，佢拎住個Gucci手提袋上台，並放喺頒獎台上右側，表示：「想借呢個機會，向兩位曾經同我並肩合作嘅前輩致敬，一位係吳耀漢先生，另外一位係坂本龍一先生。」不過，手提袋上嘅Gucci Logo就被指係賣廣告，當日麥浚龍亦身穿Gucci訂製西裝登場，而佢帶上台嘅手袋價值$40500，係Gucci今年嘅新款，唔少網民因此認為麥浚龍「收足廣告費」兼唔尊重場合。