港男想偷食離異女，慘被騙走7萬元！最後懺悔向老婆表明心跡
《東張西望》最近報道了一宗網上騙局，一位有婦之夫張先生（化名），他年近60歲、結婚20年並與妻子育有兩名子女。他在Facebook發現一個交友平台可以與其他女子發生關係，一時色心起，豈料最終被騙逾$7萬。
張先生（化名）指該交友平台只需$200入會費就可以找到性伴侶，他坦言費用對他來說很便宜：「出去召妓可能都要$500、$1,000，所以我覺得$200好抵囉！」
他指近來同太太「感情比較淡」，所以想約女士出來聊天，進行免費性交易。張先生表示該交友平台提供了不少女士的照片供選擇，他見全部女生都很漂亮，十分開心，他最終選擇約一位名叫Hanna的失婚女人。
Hanna報稱是48歲，已離異。張先生當時認為對方離異日後或可發展成朋友關係，不過要和Hanna見面需要「過三關」，進行3次打賞，大概是1千多元，平台聲稱打賞後會全數退還，張先生覺得這樣就能免費進行性交易：「我覺得好正囉！」
張先生毫不猶豫地付款，第一關要$588打賞費；第二關打賞費為$1,188；第三關則是$1,500多打賞費。然而，他並不知道這只是騙財的手段，只覺打賞過程太複雜所以將打賞費交給打賞員替他完成打賞的程序。
然而張先生要打賞員幫忙打賞被平台指違規，要交罰款$4,000多元，張先生表示：「我心諗4千多元對我嚟講都唔係大數目，我就應承咗佢。」後續要求他支付更多罰款，要再交$10,000，張先生又認為10,000又不算很多，交完後對方又要他湊齊$30,000元，雖然張先生不知理由，但見只需再支付$12,600，他心想自己仍可應付，於是再次轉帳。
張先生也曾猶豫過，但Hanna就表示在銅鑼灣等他，又主動分享性感照給張先生，令張先生大為心動，最終，他再交了$30,000，前後給了足足$60,000元。但對方又指被金管局懷疑，要再多付$12,700，張先生表示：「畀多1萬2千幾蚊就可以攞返6萬1蚊，都值得嘅！咁我就應承咗佢。」他義無反顧地先後轉帳整整7萬多元。
豈料對方又要他支付$30,000稅金，這次張先生終於意識到事情不對勁時，已經太遲了。而對方知道他報《東張》後亦威脅會公開他找SP的事。張先生指自己當初都好害怕，始終都做了對不起家庭、太太的事。
被騙走7萬多元，張先生希望報《東張》後所以男士能有所警惕，他更懺悔：「呢件事我覺得真係好對太太唔住囉！因為太太都好愛我、好保護呢個家、好支持呢個家，而我自己為咗一己私慾，犯下咁大嘅錯誤，真係好對唔住太太！」
圖片來源：TVB《東張西望》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
東張西望｜港男一腳踏十幾船！交友APP扮單身帶女性返屋企拍片
9 May 2023
近日《東張西望》播出一集提到一位黃姓大學教職員疑瞞住老婆喺交友APP扮未婚男識女仔，仲一腳踏十幾船，帶埋啲女友返屋企，並未經對方同意下拍攝親密影片。黃太上節目希望可以避免更多女性受害，同時呼籲同老公拍拖嘅女生唔好再受騙。
Photo from 《東張西望》
黃太表示佢喺老公嘅手機中發現佢同好多不同女性嘅合照，一腳踏十幾船。黃生利用交友APP結識好多女性，年齡由20幾歲到40幾歲不等，黃太表示老公偏愛包包面、身型豐腴嘅女士。
Photo from 《東張西望》
Photo from 《東張西望》
黃太更指丈夫趁佢返咗內地，將女性帶到家中主人房拍攝親熱影片，黃太表示屋企係舊年6月裝修完，而影片嘅背景明顯係裝修後嘅主人房，更有一條疑似係黃生喺家中擺放手機，調整拍攝角度嘅影片，幸好手機跌落，未有影到受害女性。
Photo from 《東張西望》
Photo from 《東張西望》
Photo from 《東張西望》
黃太表示自己聯絡過其中3位女士，對方都指未有同意過黃生拍片嘅要求，感到十分震驚。可惜黃生好快就將電腦搬走，所以黃太手上證據唔多。
Photo from 《東張西望》
黃太稱嚟過佢屋企嘅女士十分害怕影片會流傳，得知被拍後當晚凌晨就趕到黃生家中，要求對方即刻刪除晒所有影片。黃太則指唔清楚親密影片嘅女主角係邊位女性，但希望《東張西望》報道後該女士會主動聯絡節目組：「因為唔知佢（黃生）會唔會將條片send出去同朋友share。」
Photo from 《東張西望》
Photo from 《東張西望》
黃太回憶今年1月1日佢老公聲稱有同學聚會，通宵一晚先返屋企，但身上有沐浴露香味，同時袋中嘅避孕套淨返一個，質問後黃生承認有對唔住黃太。主持人又致電黃生前女友，對方指同黃生係交友APP相識，黃生自稱單身、今年30幾歲、有樓、喺英國讀碩士畢業、現時喺大學做項目經理。
Photo from 《東張西望》
Photo from 《東張西望》
黃太表示佢相信有好多女士喺不知情嘅情況下做咗「小三」，因為黃生之前話驚結婚相等合照會被太陽曬到褪色而收起全屋嘅合照，之後就帶埋其他女性返屋企發生關係，更唔用避孕套，直言對方如果懷孕就結婚。黃太指唔知丈夫幾時會將魔爪伸向學生，黃太更指黃生曾向佢表示覺得自己唔適合結婚，因為佢要不停尋求新鮮感。
Photo from 《東張西望》
Photo from 《東張西望》
Photo from 《東張西望》
主持人最後直接致電黃生，黃生得知來電係《東張西望》節目組表現得非常愕然，先係沉默咗一陣，之後被問到知唔知犯法，佢反問：「係呀？你唔好痴線啦！」又疑似爆粗，最後更寸爆回應：「告我呀！Come on！」、「唔好咁小朋友啦！OK？bye bye～」
Photo from 《東張西望》
Photo from 《東張西望》
Photo from 《東張西望》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
