何太抖音帳號曝光！自封千語BB傳授釣金龜秘訣：不要嫁窮光蛋

By Jennifer on 17 May 2024

Digital Editor

《東張西望》何伯何太花生陸續有嚟！有網民發現咗何太嘅抖音帳號「千語BB生活錄語」及「玲玲在香港」，其中「千語BB生活錄語」帳號中何太就分享好多戀愛秘訣，化身人生導師，直言：「如果你被一個富豪看上了，你一定要嫁！」

雖然《東張西望》嘅訪問告一段落，但何伯何太嘅一舉一動依然備受關注。有網民更發現咗何太嘅抖音帳號！何太共有兩個帳號，其中一個名為「玲玲在香港」，粉絲數較少，帳號主要係分享何太日常照，另一個帳號「千語BB生活錄語」則有超過1,600個粉絲，何太於個人簡介中指自己「熱愛生活熱愛學習，善良可親，有愛心，聰明幹練。」

網民從聲音、首飾、杯子、背景中嘅電視櫃等，確認「千語BB生活錄語」就係何太本人，而且帳號第一條片喺2023年尾上傳，當時何伯何太仲未報《東張》，所以應該唔係他人為咗想博取關注而開設嘅假ac。何太帳號叫「千語BB」，唔知佢係唔係好羨慕同百億富三代施伯雄結婚嘅吳千語呢？

何太透過「千語BB生活錄語」呢個帳號分享咗好多人生觀，包括教育子女、戀愛觀等。佢指女人要同厲害嘅男人戀愛，千祈唔好同比自己「階層低」嘅人拍拖，佢更直言：「不對的人千萬不要有肌膚之親。」何太同何伯相識一個多月就發生關係，睇嚟佢好憫就確認何伯是對的人！

何太更講咗唔少「真心話」，佢表示：「你記住不能談錢的戀愛就不要談」、「千萬不要拿自己的錢去幫助你的男人」、「如果你被一個富豪看上了，你一定要嫁，而不是去嫁一個窮光蛋。」親自傳授「釣金龜」秘訣。

「千語BB生活錄語」呢個帳號曝光後，唔少網民都去留言，而何太亦有回覆部分網友，佢強調自己會養埋何伯，又表示唔介意帳號被公開：「我又沒做虧心事。」被問到日後有咩打算，何太就話：「老公說追回筆錢就離開這傷心地方，返國內發展。」相信拎返$450萬就係何伯何太現時唯一目標！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

何伯何太怒斥子女不孝只為謀財產！5子女終發聲向何太宣戰？！

14 May 2024

《東張西望》再度訪問何伯何太，佢哋都表示節目播出後睇咗幾千個網民留言，亦反擊「貪錢」、「迷魂湯」等指控。何伯同何太一條心，狠批5個子女只係為咗何伯嘅遺產，Facebook群組「何伯＆何伯老婆關注組」有疑似何家子女發文，首度回應事件？！

前情：
1. 東張西望｜76歲老伯娶細30歲內地妻！與子女反目450萬存款被取走
2. 東張西望｜76歲老伯娶內地妻後續公開！何太一句暴露真面目？！
3. 東張西望｜何太身份背景疑曝光！爆料稱曾結3次婚、內地有層樓
4. 東張西望｜何伯何太擁450萬住公屋！房署調查：初步掌握有關資料
5. 東張西望｜傳何太已返港拍訪問續集網友茶餐廳疑野生捕獲何伯夫妻！

Photo from TVB

自從何伯何太上節目後，佢哋嘅故事旋即成為全城熱話，不過大部分網民都係質疑何太嘅目的，認為佢立心不良，而何伯則被年輕30歲嘅老婆蒙蔽。節目播出後，《東張西望》再度回訪，何伯何太對各種質疑大反擊！

Photo from TVB

何伯同何太稱佢哋睇咗幾千個網民留言睇到凌晨4點，何太稱佢嘅名牌手袋同珍珠耳環都係喺內地買嘅，並非真貨，價值$2萬幾嘅珍珠頸鏈係自己買，並非何伯所送，否認自己「珠光寶氣」咁接受訪問，不過佢就分享咗何伯送畀佢嘅定情知物——近4兩重龍鳳鈪，價值約$10萬元！

Photo from TVB

何太指同何伯閃婚係因為覺得何伯好錫佢：「未有人咁樣為我使錢。」何太提到自己嘅兒子更忍唔住想喊，雖然未有眼淚但佢指好感動，大讚仔仔生性：「我話：『仔仔，而家你阿叔而家無晒錢，俾仔女捲走晒，佢臨老過唔到世，好淒涼。我仔仔就話：『我唔讀書，我出去搵嘢做賺錢，返嚟養阿叔。』」

Photo from TVB

何伯亦十分勞氣，更將子女定性為「反派」：「我當佢哋（網民）係瘋狗！佢根本唔理我家事發展，信晒啲反派。嗰5個忤逆仔女！」，何伯更稱唔應該生佢哋：「佢（網民）知唔知個細女捲走晒我啲錢呀！我唔支持佢哋（5個子女）！佢哋反派！我帶錯咗佢哋嚟呢個世界！點知佢個心咁樣，想我死！根本想我死！咁佢5個分囉！450萬每個收90萬嘛！」

Photo from TVB

何太強調自己絕非貪錢之人：「我唔要佢（何伯）嘅！佢話畀隻錶去當我都話唔要住！我仲有錢頂得住！因為我係好注重名聲嘅人！邪不能勝正！我哋為人正直，會堅持走返啱嘅路。」何伯就指自己十幾歲嚟香港，跑過江湖：「我挑通眼眉！邊個女人呃我實睇得出！」

Photo from TVB

何伯激動稱：「我不知幾清醒！啲錢係我自己搵返嚟，點解要俾佢（細女）一嘢盜晒我走？銀行嗰個同佢夾計有利益！」何伯指拎$100萬出嚟本來係打算同老婆北上到珠海發展，何太亦表示做生意都係想賺多啲同何伯一齊享受。主持梁敏巧追問：「蝕咗點算？」何伯豪氣指：「蝕都預咗啦！我有$450萬，嗰$100萬攞出嚟做試金石囉！」