東張西望｜女中醫阿紅遭踢爆真面目攝製隊放蛇險被「手取精液」上演追逐戰推撞主持終被捕！

By Macy Sun on 22 May 2024

TVB節目《東張西望》日前報道，一位自稱「女中醫」的阿紅為男病人治療濕疹期間，竟然要除褲按摩兼查看精液，其後更揭發阿紅在召妓指南網站賣廣告，引起熱議。而昨日（21日）《東張西望》就繼續報道個案，攝製隊放蛇深入虎穴親身體驗療程，期間男工作人員險被阿紅「手取精液」，其後阿紅更與主持上演追逐戰發生推撞！

Photo from 東張西望截圖

《東張西望》昨晚播出的一集，找到男工作人員上門接受阿紅的「治療」，男工作人員一進入屋內後就被阿紅要求脫去上衣幫他「清毒」，而幫他按摩完後阿紅就問工作人員：「要唔要檢查？檢查一下精液顏色。（點睇啊？）咩點睇？X出嚟睇囉。（用眼睇？）係啊檢查顏色、濃度，裏面有咩毒，破壞性功能。首先係查你早洩原因。」隨後阿紅即拉低工作人員的短褲，再說：「而家將精液推出嚟，睇下顏色，查你早洩原因。（但我冇早洩喎？）咁我都要檢查，因為精液係同全身一齊。」工作人員隨後拒絕作精液檢查，阿紅只好罷休並表示：「唔檢查都可以，我可以從其他方面去檢查。」阿紅之後竟以1元硬幣為工作人員刮痧，面對工作人員質疑，阿紅說：「唔好人哋，人哋點樣同我比，痧又出嚟又舒服。」

Photo from 東張西望截圖

報料人Dana隨後亦有連同攝製隊一同進入阿紅的「中醫館」對質。期間主持人黎寬怡一進去便非常客氣的問阿紅這個地方是否做生意用？起初阿紅還未發怒，於是回應道：「唔係啊，我自己住㗎！」然而被問到有沒有中醫牌後，阿紅便立即叫攝製隊「唔好影」，更企圖用手去擋著鏡頭說：「呢度係中醫保健！我唔係醫病！」Dana向阿紅對質說：「你喺網上自稱你係中醫，我先生嚟睇濕疹，你叫佢除褲，為佢提供性服務，你依家咩意思？我想問你係中醫定性工作者？」阿紅開始惱羞成怒表示叫攝製隊離開，更指自己要報警。

Photo from 東張西望截圖

阿紅面對著Dana與攝製隊的質問，竟然奪門而出，攝製隊一路跟隨，阿紅見黎寬怡追隨進入電梯便覺得不耐煩，於是用力推開了黎寬怡，令黎寬怡差點被阿紅推跌並不禁高呼：「嘩…嘩…嘩…咁大力！」。見此攝製隊立即幫忙：「唔好郁手！」，而阿紅亦明顯亂了套，嘴裡不停重覆的說著：「冇呢啲，冇呢啲！」又問攝製隊：「做咩啫，你唔畀我落去咩？」其後阿紅再從電梯奪門而出，衝到後樓梯對著攝製隊大叫：「我屋企有家㗎，我屋企有老人家㗎，我仔都有病㗎！你咁樣搞住我做咩啫！我犯咩法啊？」最後她一連跑了九層樓到地下才停下，她欲找保安驅趕攝製隊離開大廈，但無奈保安不理會她。

Photo from 東張西望截圖

而阿紅最後亦報了警，等待期間阿紅堅稱自己只提供按摩保健服務，卻遭報料人Dana反駁說：「你只穿bra在裡面，你件衫裡面淨係得個胸圍，有中醫係咁㗎咩？」黎寬怡亦問她：「點解你要摸我同事嘅下體？」攝製隊則說：「你除我條褲，跟住又話要用手取精液喎。」阿紅不停說要「拿證據」，不認自己有做過這事。最終警方到場後在阿紅的「中醫館」內向她問話，之後亦加派人手到場，有女警向Dana了解事件的經過，結果警方以「無牌按摩」來拘捕阿紅。

Photo from 東張西望截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東張西望｜女中醫全球首創「精液顏色斷診」治濕疹要求除衫按摩召妓網站賣廣告？！

TVB《東張西望》繼近期全城熱話「何伯與新何太」後，又再有一名女觀眾報料，指自己丈夫被濕疹問題困擾多年，睇西醫無效後便經網上廣告光顧一名自稱有獨創濕疹療法的女中醫師，並在其樓上診所治療。可是登門醫治時，這名「女中醫」竟然要求事主丈夫除衫按摩，更打算用其全球首創「精液顏色斷診」透過觀察事主丈夫的精液顏色去了解病情，相當奇怪！

Photo from 《東張西望》截圖

《東張西望》近日收到一名報料人Dana投訴，指其丈夫長年受到濕疹困擾，曾試過西醫治療不過一停藥就會復發。後來Dana丈夫從網上平台見到一位自稱「阿紅」的女中醫，聲稱保證三次就可以斷尾：「我先生想試一試，就聯絡呢位自稱中醫嘅女士，上門接受治療。」Dana表示丈夫上門後，阿紅對他以刮沙治療濕疹患處：「進行到一半，嗰位女士開始就話『可能係濕疹，性功能方面有問題』，繼而要求我先生除晒啲衫，喺佢肚上面進行按摩，按摩同時無啦啦拔罐，喺佢肚臍附近。嗰位女士話係前列線，嗰度有影響。」

Photo from 《東張西望》截圖

其後按摩了一會，阿紅更要求看男病人的精液，才決定進行甚麼療程，要身體是否有其他隱藏疾病：「要求佢除褲，想幫佢攞精液出嚟。」Dana續指當時其丈夫感到「唔對路」，因而謊稱趕時間，停止阿紅的動作，並指希望下次才完成療程：「先生問下次療程係咩，嗰位女士話『下次你咪知囉』，跟住就畀咗錢就走咗。」Dana表示丈夫當時未完成療程，所以只是支付500元現金便立刻離開。Dana更指丈夫回家後，發現他上臂受傷：「同埋頸嗰啲，好似刮沙刮得好嚴重，肉都爛晒，我覺得仲嚴重過佢本身嘅濕疹。」

Photo from 《東張西望》截圖

接到報料《東張西望》亦馬上行動，派了兩名男幕後假扮濕疹病人向阿紅於尖沙嘴一棟大廈內的診所「求醫」，不過團隊到達大廈時就不見水牌上有診所的名字，單位外亦無招牌，非常隱閉。之後到達門口時，不過阿紅見到兩個男人時，就直言:「唔可以兩個男人入嚟。」其後又多次拒絕治療手法，又誇大男幕後的病情：「出晒嚟，三、五次度先全部清晒。最緊要睇你身上全身查，檢查清楚。檢查你皮膚嘅顏色，同埋溫度、硬度。」

Photo from 《東張西望》截圖

過後男幕後提出想要病假紙，此時阿紅就竟自揭並無中醫牌：「我冇得開，我冇嗰啲中醫牌呀！有呢啲牌嘅話，我就唔係開樓上舖，我（開）地下舖，大招牌打出嚟喇！」阿紅又表示自己在網上已經賣廣告10年，並突然以普通話說到：「掛了10年！我就是大陸過來的中醫，好中醫都是大陸的。」被問到在內地是否有牌時，她說：「肯定的，是香港沒牌嘛。我就是專門研究這個人家醫不好的。」至於被追問到為甚麼不在香港考牌，阿紅就隨即發難表示：「唔關嗰啲事，都話中醫從來都冇牌，牌咩啫！我有病人搵我就得喇！我哋係中醫慨念，但我係獨家嘅一個嘢。」並又再以以普通話繼續說：「獨家的東西，我研究了一個方法、一個思維，全世界都沒有！」

Photo from 《東張西望》截圖

放蛇後《東張西望》亦有在網上搜尋阿紅的資料，怎料竟連去了一個召妓指南網站，上面甚至寫有「男人唔補好易變虧佬！對自己好！中醫做得到！」標語，廣告更明碼實價列出不同療程的價錢，當中包括男士性功能、前列腺的問題，並寫明：「全球獨家首創，精液顏色斷診」。而事件後續預告之中就提到，下一集攝製隊與節目中的太太Dana將會一齊登門對質，在阿紅敗走時雙方更發生了碰撞。