勝利@BIGBANG傳移居香港半山置業買豪宅尖東準備開夜店？！

By Macy Sun on 23 May 2024

前韓國天團BIGBANG成員勝利2019年因被爆出性招待、強姦等事件，另外其投資的夜店Burning Sun亦爆出暴力、販毒、性侵及賄賂警察等醜聞，最終被判囚1年6個月，直至去年2月刑滿出獄。日前BBC紀錄片就還原事件真相公開勝利暴行，再度令大眾關注其案件，而近日就有傳勝利有意移居香港，已於半山置業買豪宅，更準備在尖東開夜店？！

Photo from BBC紀綠片截圖

英國BBC近日推出紀錄片《Burning Sun：揭露韓流明星秘密對話的女性故事》，令2019年韓流明星勝利、鄭俊英、崔鍾訓性招待、強姦等黑暗事件再度成為熱話。片中亦有揭發BIGBANG前成員勝利過去的惡行，曾於派對會場試圖強行拉走一名女子，期間對方抗拒時還作勢揮拳、口出惡言，囂張狂妄的態度與熒幕前判若兩人。同時披露已故女星具荷拉是破案的關鍵人物。

Photo from BBC紀綠片截圖

勝利去年2月刑滿出獄，不少人都好奇其現況。而近日香港網上就有傳勝利疑似有意來港定居，已在半山區買下豪宅。同時，亦有網民爆料稱其打算於尖東隨近搞生意，疑似想開夜場，指在上月的音樂節「Creamfields HK」中見過勝利，當時他正與酒商老闆應酬，期間「依然有好多女當佢神咁拜」，並指自己與女同事遭對方呼喝：「同你喺BBC睇嗰啲語氣有得揮。」最後更勸喻各位女士：「自己睇路啊！」

Photo from Threads 截圖

而據悉勝利近期的確有曾訪港，早前貝依霖就曾在IG Story貼出與勝利的合照，更留言寫上：「Long time no see, Oppa」（Oppa，好久不見）。不過對於勝利定居香港的傳聞，一眾網友亦一致反對兼鬧爆，「你可唔可以唔好嚟香港搵食？喺香港撞到佢嘅，唔該幫我問佢，你幾時死？」、「搵食行遠啲啦」、「唔想見到佢係香港，佢整個人就係烏煙瘴氣，社會敗類！韓國撈唔掂走來香港」、「勁憎佢……搞衰BIGBANG」、「呢啲垃圾根本就唔應該咁輕易放返出嚟」。

Photo from 貝依霖 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

BigBang勝利宣布退出娛樂圈捲入醜聞成嫌疑人：為了YG和BigBang名譽我也應該到此為止

11 Mar 2019

BigBang成員勝利今日喺ig宣布決定退出娛樂圈。

早前因為夜店Burning Sun捲入風波，夜店負責人同BigBang成員勝利先後接受警方調查。

勝利嘅工作亦都全程暫停，而警方之前就勝利夜店醜聞一事正式立案，並將勝利轉為嫌疑人接受調查。

Photo from 勝利 ig

風波持續擴大，今日勝利喺ig宣布將從演藝圈隱退。

佢表示因為引起嘅社會爭議太多，所以決定退出演藝圈，對於依家嘅所有調查會認真配合。

Photo from 勝利 ig

全文如下：

「我係勝利
喺呢個時候我喺演藝界隱退好似係最好嘅，因為事件引發咗好大嘅社會性爭議，所以我決心要從娛樂圈隱退，因為有調查緊嘅事件，我會誠實咁接受調查，解開所有疑惑。
喺過去嘅一個半月時間入面，受到國民嘅指責，依家國內所有搜查機關都對我調查緊嘅情況下，我甚至被誣陷成逆賊，我對身邊嘅人都造成咗傷害，呢樣嘢係我唔可以容忍嘅。
對喺過去嘅10幾年入面俾咗我好多愛嘅國內外fans表示真心嘅感謝，就算係為咗YG同BigBang嘅名譽，我都應該到此為止。
再一次對唔住又對唔住
呢段時間多謝大家」