苟芸慧用手遮肚惹懷孕猜測！屢傳與富貴老公因生B問題鬧婚變

Digital Editor

前華姐冠軍苟芸慧（苟姑娘）自2018年與賽車手陸漢洋結婚後，近年逐漸淡出演藝圈。不過嫁入豪門後她的婚姻狀況也成為大家關注的焦點，她與陸漢洋屢次傳出婚變消息，但去年又有傳言稱他們已經破鏡重圓，最近有傳苟芸慧肚凸凸，懷似懷孕？！

苟芸慧老公陸漢洋是一名賽車手，更是「錫礦大王」陸佑後人，結婚後苟姑娘搬入貝沙灣，過著少奶奶生活。但2021年起卻傳出苟姑娘與老公因為生B計劃有分歧，令兩人婚姻亮起紅燈，更有指苟芸慧搬離貝沙灣愛巢，獨自租屋住。

婚變傳足兩年，終於有報道稱陸漢洋落力箍煲成功破鏡重圓！最近，苟姑娘再次引起了媒體和網民的廣泛討論。與好友聚會時，苟芸慧穿著較為密實的衣服，並且多次用手遮住肚子，這些舉動讓人大膽猜測她是否懷孕了。

其實，婚前苟姑娘透露自己喜歡小朋友，但老公想享受二人世界，所以暫時不考慮生小朋友。但早在2019年，苟姑娘就曾公開表示希望能夠生B，當時她甚至打排卵針接受雪卵手術。不過由於身體不勝負荷，她最終不得不由救護車送院。

而懷孕猜測也讓網民感歎苟姑娘終於得償所願，然而，對於這次懷孕的傳聞，苟芸慧和陸漢洋到目前為止都未有作出任何官方回應。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

苟芸慧與陸漢洋復合？！屢傳婚變疑生B現分歧，富貴老公終成功箍煲

20 Jan 2023

苟芸慧與「錫礦大王」陸佑後人兼賽車手陸漢洋於2018年結婚，2021年有傳兩人因生B計劃產生分歧，更指苟芸慧已搬離貝沙灣愛巢！婚變消息滿天飛但苟芸慧與陸漢洋都未有正面回應過，但近日有指陸漢洋落力箍煲，終成功氹返苟芸慧！

Photo from 苟芸慧IG

現年39歲嘅苟芸慧係參選國際中華小姐奪得冠軍後入行，2018年苟芸慧與陸漢洋結婚，婚後苟芸慧工作量大減，過少奶奶生活，閒時high tea、整下甜品咁，又不時同老公大晒恩愛，夫妻感情十分甜蜜。

Photo from 苟芸慧IG

不過到2021年時就傳出苟芸慧想生BB但老公卻暫未有生育計劃，令兩人出現意見分歧，其實喺婚前苟芸慧就曾指自己中意小朋友，但暫時唔考慮生仔住，因為老公想享受下二人世界先。除咗未能就生B計劃達成共識外，又有指苟芸慧有感丈夫一心打理生意，冷落自己而感到不滿，令兩人婚姻亮起紅燈。

Photo from 苟芸慧IG

更有傳苟芸慧搬離二人貝沙灣愛巢，獨自租屋住，令婚變之說更加似層層！苟芸慧喺IG發文指：「該捐的捐了，該送的送了，該斷的斷了。」又試過喺FB出post：「一些你以為一直會在的人和事突然像泡沫一樣消失了。朋友們約起來吧！很掛念你們。」似乎有所暗示。

Photo from 苟芸慧IG

Photo from 苟芸慧Facebook

Photo from 苟芸慧IG

婚變傳足兩年，近日有報道稱陸漢洋落力箍煲，終於成功氹返苟芸慧！雖然一直以嚟兩人都未有回應過婚姻是否出現問題，但喺呢兩年間，即使婚變傳聞越傳越烈，陸漢洋一直選用同一張婚照作為社交網站頭像，而苟芸慧出post佢都會畀like。有指陸漢洋為老婆做司機車出車入，兩人近日常結伴出現。

Photo from 苟芸慧IG

Photo from 陸漢洋IG

其實喺婚前苟芸慧已經多次大讚陸漢洋非常體貼浪漫，第一年拍拖因為分隔兩地，陸漢洋竟買咗一粒星，寓意將星星送畀苟芸慧，星星經緯度包含「9」字，代表即使Long D，只要望上天空睇星就好似見到對方咁。苟芸慧更指陸漢洋會記住佢嘅月事時間，預先買好藥同衛生巾畀佢。

Photo from 苟芸慧IG

而陸漢洋籌備婚禮都花咗好多心機，不但先後去加拿大、法國、韓國等地影婚紗相，更親自搵苟芸慧爸爸、細佬同喺加拿大認識超過20年嘅舊同學為未婚妻送上驚喜，當日苟芸慧以為只係影婚紗相，點知原來係正式婚禮，婚禮上苟芸慧更同接近10年無見嘅親朋戚友相聚，對老公一片心意大為感動。

Photo from 苟芸慧Facebook

Photo from 苟芸慧IG

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel