王俊棠回應被寸帶龍舟隊「累全家」高EQ反擊安德尊：一於家法侍候「槳」佢個咀！

By Macy Sun on 12 Jun 2024

早前端午節沙田城門河舉辦《沙田龍舟競賽2024》，TVB一如往年派隊出戰龍舟賽事，然而錄影廠擔任主持之一的安德尊，就對今年又是王俊棠（棠哥）帶隊一事表示非常不滿，狂寸棠哥：「佢一人贏全家，一人累身家」。而今日（12日）棠哥就接受傳媒採訪回應被寸事件，期間就展現高EQ一面反擊安德尊！

Photo from 節目截圖

就日前被安德尊狂寸「一人累全家」一事，今日（12日）王俊棠（棠哥）就有接受傳媒採訪，並大方回應指：「有乜好嬲呀？我成日都係咁畀人『趷』㗎喇，做人嘅嘢唔可以咁小氣嘅，人哋點講咪點講。」至於被問到當日如此落力去參與，仍然被批評會否感到無辜時，棠哥則說：「我又唔覺，把口喺人哋度，鍾意講乜就講乜，係咪？（下年會否繼續扒龍舟？）其實我就好鍾意爬龍舟嘅，我喺赤柱學校嗰陣時已經開始爬龍舟，我71年就已經開始扒，所以都會繼續。」

Photo from 節目截圖

而比賽當天最終TVB龍舟隊以尾二衝線，棠哥亦有解釋龍舟隊成績未如理想的其中一些原因，他說：「我喺TVB都扒咗20幾年，我97年入TVB，98年開始扒，我哋都試過攞到好成績，我哋都攞過冠軍，我記得好似係關詠荷做鼓手嗰年，我哋試過贏過冠軍嘅，第一、第二、第三都試過，我哋仲喺國際龍舟賽嘅明星挑戰賽事中攞過冠軍，我哋嗰陣都人強馬壯，但係公司嘅人流失係好大，有時以前扒開嗰啲冇喺公司做，咁就變咗冇得扒囉。」

Photo from 節目截圖

至於談到被安德尊指「黑口黑面」一事，棠哥亦有回應：「曬啫，我曬就會曬到好黑，而唔係黑口黑面，皮膚黑啲啫。」最後問到棠哥有什麼說話想回應安德尊，他便風趣地回答道：「條友口水多過茶，成日吹水唔抹咀，話我累全家，一於家法侍候，槳佢個咀。」而其實當日棠哥除了為TVB出賽，亦與香港航海學校一班舊同學於赤柱有另一賽事，而賽事最後亦勇奪銅盃冠軍，可見棠哥實力毋庸置疑。

Photo from 節目截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

安德尊見TVB龍舟得尾二狂寸王俊棠！麥美茵打圓場唉聲嘆氣

11 Jun 2024

端午節沙田城門河舉辦《沙田龍舟競賽2024》，TVB旗下職員參加「無綫盃」中龍混合邀請賽，主持人安德尊（大王）狂寸領隊王俊棠「累全家」，連拍檔麥美恩勸他小心說話，大王都照直講：「無辦法喎！佢一人贏全家，一人累身家！」

Photo from TVB

TVB每年都派龍舟隊參加這項比賽，今年，他們由王俊棠帶隊出戰。在錄影室的主持人安德尊和麥美恩在比賽開始前就感謝參賽的同事，大王指同事們為這個比賽，每天放工後犧牲私人時間在將軍澳練習，他更稱高層都有到場為同事打氣。

Photo from TVB

之後大王指今年棠哥（王俊棠）仍然有份參加，更破天荒擔任鼓手，此時麥美恩即提醒大王：「你小心啲講喎！一陣又做新聞架喎！」大王表示：「無辦法喎！因為佢一人就贏全家，一人就累身家！」

Photo from TVB

大王續稱：「累晒人地架！佢叫喊令人好炆，佢又扮大佬喎！佢今年做鼓手，鼓手應該畀個香港小姐坐喺度，等我哋睇住香港小姐扒，佢嗱口嗱面咁，你點同佢划艇呀！」麥美恩打斷道：「可能佢今年反敗為勝呢？我對棠哥有信心！」

Photo from TVB

而現場棠哥就充滿信心，他表示今年龍舟隊有不少新人加入，猛將如雲，他指今年他們練習了11堂，而自己工作太忙，缺席了幾堂訓練，他指訓練量大：「今年真係想輸都難呀！」

Photo from TVB

然而最終TVB龍舟隊以尾二衝線，期間旁述鍾志光表示TVB隊很落力︰「大家都考慮工作時間問題，同事們未能經常練習架！」他也表示棠哥往年做扒手，今年首次做鼓手，比賽結束後旁述鍾志光指：「無綫電視隊喺呢個情況之下贏咗7號線！」他大讚同事盡晒力，由棠哥領導的TVB隊力壓7號艇完成賽事：「棠哥領導之下唔錯，大家體諒同事工作緣故。」他指同事只練習了8課，最重要TVB每年都參與沙田龍舟賽，一班參與的健兒都值得鼓掌。