凍冰冰～好想去旅行浸溫泉丫～但係又行唔開，可以點？

天氣咁凍，想浸溫泉唔一定要去旅行嘅～只要有浴缸、買包浴鹽，一樣咁正！

小編自己都好鍾意浸浴，可以促進血液循還，對皮膚又好～ 所以係呢度推薦幾款浴鹽俾大家，等大家可以係咁凍嘅天氣享受下溫泉，獎勵下自己！
Photo from 花之溫泉酒店官網

多款!!第一款好適合未試過浸浴，又想小試牛刀嘅你～ 因為佢可以一次一包，試下啱唔啱自己，又唔洗煩落多落少～ 而且有好多唔同牌子同味道，任君選擇～
＊小編推介：毛穴撫子(用完皮膚滑滑溜～)、爆汗湯(一邊浸一邊流汗排毒，好似做完運動咁爽！)

Log-on 大約$8 - 30
Photo from ishizawa-lab官網
Photo from ishizawa-lab 官網
Photo from bison官網

抵用!!第二款就主要係花草系列嘅味道，俾人好清新、好大自然嘅feel～想係辛苦番工之後，好好放鬆下自己就最適合喇～同埋有補充裝，可以響應環保添！
＊小編推介：薰衣草味(香味濃濃，帶助放鬆～)、葡萄柚味(味道清香，提神爽利～)

無印良品 大約$8 - 70
Photo from 無印良品 官網
Photo from 無印良品 官網

特別!!重有就係小編去完日本都好掛住嘅浴鹽～佢都係一包包獨立包裝，但特別在於，佢以日本各地嘅溫泉做主題，有唔同嘅礦物質同香味，去似去左日本浸咁～冇得番「鄉下」，就用呢個係屋企解下思鄉情啦～

My Princess Yoyo [Kracie 旅之宿］$95／26包
Photo from myprincessyoyo 官網

冇浴缸嘅你唔洗喊住～如果同你講，香港有得免費浸溫泉，係咪立即心心眼呢？屯門T·Park源區係一個以可持續發展為主題嘅設施，入面有冷熱SPA池，只要登記參觀就可以免費享用嫁喇～重有無敵海景㖭，啱哂放假去寓學習於娛樂。
＊小編提提你：園區重有免費穿梭巴士服務，詳情上官網睇下啦～

地址：屯門曾咀稔灣路 25 號
開放時間：星期一、星期三至日(上午10時至下午7時)
Photo from tpark 官網

睇左咁多係咪心動呢？重唔快啲手刀去買浴鹽或者登記參觀！！

＊小編提提你：浸浴時間不宜太耐，水溫都唔適合太熱，可以參考番包裝上面嘅指引；高血壓、心臟病患者、孕婦都唔太適合浸浴，唔清楚嘅話就問番信得過嘅醫生，咁就又安心又開心啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic