Netflix推介4套懸疑劇集～就算無睇過都會聽過～「Best of Netflix」嚇破膽懸疑之選

唔少人都鍾意煲劇，特別係懸疑驚慄類，不過有時想睇劇消磨時間，又唔知從何入手。有見及此，Netflix為香港會員整理咗「Best of Netflix」，當中「嚇破膽懸疑之選」精選出嚟嘅4套劇集，就算無睇過都會聽過呢～睇下你追過幾多套？

排名不分先後～

1. 《破案神探》（MINDHUNTER）

Photo from MINDHUNTER Facebook

就算唔睇劇嘅朋友都一定聽過MINDHUNTER嘅大名，喺2017年10月首播。劇情講嘅係1970年代，有兩個聯邦調查局同一啲殺人魔傾計，深入了解佢地嘅心理層面，從而將佢地分類，到下次有類似案件發生，就會容易啲搵犯人出嚟～

Photo from MINDHUNTER Facebook

雖然開頭無咩人肯信佢地呢套係會成功，但事實證明係有效。不過同一班殺人魔鬥智一啲都唔易，要令佢地講出自己嘅經歷，一定要摸清楚佢地嘅背景同喜好，再投其所好～

而呢啲殺人魔又可能帶人「遊花園」咁，有啲仲有種令人不寒而慄，令兩個男主角同觀眾都會焦躁不安⋯⋯

Photo from MINDHUNTER Facebook

兩個男主角一個務實幹練又世故，另一個就係我行我素、行動力好高嘅初生之犢～聽聞故事兩個男主角係真實存在，只係化咗名。

2. 《怪奇物語2》（Stranger Things 2）

Photo from Stranger Things Facebook

4個12歲小朋友當中有一個突然畀一隻怪物捉走，佢媽媽同3個小朋友都各自去搵佢，一班小朋友搵嘅途中遇到個神秘少女，先知道佢地嘅朋友畀怪物捉咗去「顛倒世界」～幾經辛苦終於救返佢返嚟，發現佢心靈仲一直受到騷擾，仲睇到「顛倒世界」。

Photo from Stranger Things Facebook

小鎮仲發生咗唔少怪事～唔少人覺得第1季情節緊湊，開始10分鐘已經令人無辦法轉移視線，而第2季用咗兩集去鋪墊，但都無令到一眾FANS失望！

3. 《闇》（Dark）

Photo from Dark Facebook

喺德國拍攝嘅原創穿越劇集，背景同《怪奇物語》有少少似，同樣有小朋友失蹤，又係寂寂無聞嘅小鎮。不過故事會由2019年穿越到我1986年、1953年，融合咗科幻、聖經故事、黑暗、時間悖論、懸疑等多種特質。

Photo from Dark Facebook

懸疑得嚟層層推進，而角色都好似陷入「闇」迷宮咁，雖然故事線多，但敘事清晰明確，逐步解開謎團～

4. 《守護者》（The Keepers）

Photo from The Keepers Facebook

呢套係4套中唯一一套紀錄影集，講幾十年前一個修女失蹤仲畀人殺害真實兇案，一直都未搵到兇手。當時佢去買嘢食就一去無回，幾個月後喺垃圾場搵到佢被肢解嘅屍體。

紀錄片訪問咗多個被殺修女嘅親人朋友、學生、記者、官員等，發現咗一啲有關神職人員虐待嘅不為人知事實。

資料來源：Netflix

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載