預告多個必看點同分析～Marvel電影迷必看！

By 123testing on 08 Feb 2018

今年Marvel嘅電影可以話強勢登場，而當中年度超級英雄電影《復仇者聯盟3：無限之戰》就係最吸引，早前亦公開左30秒最新預告，加上之前嘅預告片，有唔少細節係好值得留意！

1．美國隊長選用新盾牌武器
係上集《美國隊長3：英雄內戰》見到美國隊長最終棄盾而去，而係片尾彩蛋入面見到黑豹現身支持美國隊長，加上2月上映《黑豹》電影，更加肯定美國隊長有新盾牌，而且由「黑豹」妹妹Shuri所研製。
Photo from Marvel Entertainment

2．鐵甲奇俠使用新裝甲
係片中明顯見到iron man裝甲有所唔同，而且同漫畫中最強裝甲相似，片中仲可見鐵甲奇俠兩秒極速穿甲，估計都係用上Shuri嘅技術去製造生化裝甲，而裝甲收藏點亦有唔同，「黑豹」裝甲藏係頸鏈上，估計今次係藏係鐵甲奇俠胸口上。
Photo from Marvel Entertainment

3．鐵甲奇俠主動同美國隊長聯絡合作
片段中見到鐵甲奇俠手上拎住手機，而且好焦急嘅樣，應該係承接《美國隊長3：英雄內戰》最後，因形勢太不妙，所以聯絡美國隊長。
Photo from Marvel Entertainment

4．洛基手上宇宙魔方
繼《雷神3》片尾劇情，佢係阿斯嘉寶庫中拎走左空間寶石，而阿斯嘉嘅人民同聖所信徒都受到嚴重傷害，估計就係《雷神3》片尾遇到具大太空船所造成。
Photo from Marvel Entertainment

5.蜘蛛俠著新蜘蛛裝
係上年《蜘蛛俠》電影中已見到鐵甲奇俠為佢製造左新蜘蛛裝，而片中亦見佢穿上。
Photo from Marvel Entertainment

6. 幻視被「滅霸」搶去無限寶石
係預告片前段已見到幻視以人類面貌形態出現，而頭上黃色心靈寶石仍然係度，不過片後期就見到幻視被「滅霸」搶去無限寶石，不過大家唔洗擔心，片中見到美國隊長等人出黎拯救佢，所以佢即使被「滅霸」搶去無限寶石但應該死唔去。
Photo from Marvel Entertainment

Photo from Marvel Entertainment

7．「鷹眼」、「蟻俠」、「黃蜂女」、「女武神」都疑似缺席
係幾條預告片中一直唔見有「鷹眼」、「蟻俠」、「黃蜂女」、「女武神」嘅踪影，「鷹眼」、「蟻俠」疑似係《美國隊長3：英雄內戰》最後因被囚禁，仲需要一段時間逃出，而「黃蜂女」可能因6月《蟻俠這》電影中先正式講佢，可能未會參加今次之戰，而「女武神」似乎係《雷神3》片尾度遇太空船而受傷，暫未見任何踪影。