新年食到飽飽滯滯～好辛苦呀！唔怕！簡單幾樣就幫到你消滯～

一到新年，大家一定盡情大吃大喝～仲要係咁食糕同大魚大肉，好容易搞到飽飽滯滯、腸胃不適，仲會長幾斤肉添～不過唔洗驚，會原呢幾樣成日見到嘅野對消滯好有幫助！

第一樣係綠茶～
綠茶含有茶多酚，可以幫助分解食物入面嘅脂肪，所以會解膩消脂。而且茶葉嘅咖啡鹼仲可以促進胃液分泌，幫助消化，所以食煎糕嘅時候，最好就配番杯茶喇～

如果飲唔慣綠茶，可以以無糖嘅熱檸水代替。因為佢嘅酸味可以刺激胃酸分泌同埋促進腸臟蠕動，所以都有幫助消化解滯嘅作用～不過記住唔好飲過量同太濃，過酸會令胃酸過多，引起胃部不適。

另外，乳酪都係好好嘅消滯佳品，因為入面嘅益生菌有助腸道蠕動，而且酸酸地咁，好開胃！所以食太多野，滯滯地又口痕嗰時可以食乳酪，一邊消滯，一邊滿足口痕之苦～

當然，唔少得高水溶性纖維又有天然酵素嘅水果啦！唔講唔知，木瓜嘅蛋白酶同埋菠蘿嘅酵素都可以幫助腸胃消化，食一個拳頭嘅份量就可以輕鬆消滯～

幾樣野就可以輕鬆消滯，快啲試下啦～最好就食飽飽企下先坐，或者去散下步，都有助消化嫁！！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic