經過那些年～～你最想邊個台灣團體再合體？當年火紅團體一覽

前排楊丞琳黎港開show，邀請咗當年4in love嘅團員做嘉賓，令好多fans都覺得好懷念。到到前幾日，當年紅到一個點，黎親香港商場出席活動，都一定逼爆咁多層樓嘅棒棒堂，都有私下聚會，不禁令一眾粉絲為之瘋狂，熱烈討論到底幾時可以合體！之前韓風未起，台灣偶像就係侵入香港嘅一群喇，而咁多偶像團體入面，你又最想邊隊組合再次合體呢？

1.棒棒堂

Photo from Pinterest

無論節目定組合都好受歡迎，2006年從節目入面揀咗6位成員成軍，仲喺2007年頭出埋首張EP《七彩棒棒堂》。之後仲同師姐黑澀會美眉破天荒合作拍《黑糖瑪奇朵》，多對cp就係咁樣產生喇！

Photo from Pinterest

短短3年已經上埋小巨蛋同紅館添，不過2009年，棒棒堂合約到期，最終分拆成兩隊，「Lollipop@F」同「JPM」，令好多粉絲都好傷心。不過依家兩團都已經解散了，亦都屢傳再次合體表演嘅消息，前排見佢地私下聚會，唔知合體會唔會成真呢？

2.黑澀會美眉

Photo from Pinterest

小編深信，識得棒棒堂，通常都會識埋黑澀會。黑澀會比棒棒堂再早啲出道，仲要早過少女時代㗎！當年一個團體有9個人，仲要係全女班，真係好少見。所以都引起一陣騷動，喺節目上嘅一班女仔，唔止吸引一班男士粉絲，佢地嘅互動都有好多女仔鍾意睇㗎！亦都曾經受過多次團體結構變異嘅佢地，最終都係敵不過時代嘅變遷而遭淘汰。之但係由於棒棒堂同黑澀會美眉的確係台灣演藝圈嘅一個經典，所以解散後，好多節目都有請佢地做嘉賓，懷緬過去美好時光。

Photo from Pinterest

3.飛輪海

Photo from Pinterest

講到棒棒堂同黑澀會，點可以唔提飛輪海啊！小編記得當年飛輪海同棒棒堂嘅粉絲經常喺網絡上引起罵戰，互相不乏支持自己偶像嘅忠粉。飛輪海2005年出道，佢地拍嘅「終極系列」偶像劇，為佢地帶黎極大人氣。不過後來團員吳尊於2011年以志不在此嘅理由，率先退團，後來嘅成員都逐一以單飛不解散為前提，開始個人發展。相信咁多位粉絲都好想見到佢地再次合體啊！

4.F.I.R

Photo from Pinterest

成軍14年嘅F.I.R，為樂迷，為粉絲都帶來唔少經典金曲，不過喺兩年前左右開始，好似消失咗咁，屢傳不和傳聞，近日主唱Faye仲喺社交網站度表示自己喺局外人，令一眾粉絲擔心！唔知幾時可以再睇到佢地表演呢？

5.大嘴巴

Photo from Pinterest

台灣少有嘅流行嘻哈組合，一首《結果咧》令佢地爆紅，之後都有keep住出一啲hit歌。不過，後尾又爆出合約到期，無再續約，又話團員40同其他成員不和咁，就慢慢靜靜地解散咗喇！

6.183club

Photo from Pinterest

oh hi～仲有無人記得佢地？2004年成立，聲稱因為團員嘅身高平均183cm，所以就叫183club喇！佢地2005年演嘅《王子變青蛙》令佢地大熱，仲出埋首張專輯添！

Photo from Pinterest

7.F4

Photo from Pinterest

well～當年嘅流星花園瘋魔萬千少女，F4其實係劇入面嘅角色，後來徇眾要求就將佢地變成團體喇～紅遍全亞洲嘅佢地，喺2008年之後都好少再以團體名義出演，直到2013年喺江蘇衛視再次同台表演，數數手指，都已經5年喇！如果可以再合作出歌又好，拍劇又好，相信好多80後90後會搵番童年回憶！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載