平民價享受厚Pancake～荃灣鬆軟鬆軟梳乎里Pancake伴雪糕！焦糖蘋果味好值得一試啊～

香港愈開愈多文青風咖啡店，好多既裝修擺設都唔錯既，不過食物好唔好先係重點！最近荃灣新開咗間咖啡店，佢哋既Pancake唔單止價錢親民，而且款式多多又好食，好值得大家一試～今日就試咗又甜又甘既焦糖蘋果厚Pancake伴雪糕同日本白桃Pancake！

首先介紹一下個梳乎里Pancake，總共有2層咁高，好厚身啊～外觀十分震撼～上面放咗雲呢拿雪糕，同新鮮蘋果蓉，然後用焦糖漿做點綴。

至於Pancake既口感頗鬆軟，但又唔係空氣感到食咗等於冇食，食落感覺都幾實在。咬多幾下會食到蛋香味，味道真心唔錯！

而且佢係即叫即整，出來效果熱哄哄的！好Sweet啊！除咗以上兩隻味之外，其他款既厚Pancake都好吸引～例如大家一定會鍾意既抹茶紅豆厚Pancake～大約都係$65～有興趣記得去試下喇！

店舖資料
Aroma Dessert Cafe
地址：荃灣鱟地坊38-46號祐強樓地下42號舖
電話：64337787

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）