西九自由約返嚟啦！「海角地攤2046」手作市集×音樂表演×工作坊～免費入場！！！

各位真偽文青～～又等到西九自由約返嚟啦！九月份嘅自由約將於9/9-10/9，依舊喺西九文化區苗圃公園舉行，有工作坊、手作市集、音樂表演等，節目豐富，一齊去支持下本土藝術發展！

Photo from 西九文化區管理局

九月份「自由約」將以音樂作為橋樑，邀請一眾本港同外地樂隊，包括將於本年十一月喺冰島電波音樂節演出嘅雞蛋蒸肉餅、Interzone Collective、PHOON、Still Minds、Asyndeton及嚟自冰島嘅音樂人Jófríður Ákadóttir（JFDR） 等， 為場內帶來無數活力。

Photo from 雞蛋蒸肉餅

香港文學館將會帶嚟「黃昏五點半工作坊」，邀請參加者一齊製作文學膠片，於黃昏落日下拍出獨一無二嘅照片；「寫樹——在西九漫遊」導賞團將與大家遊走苗圃公園，閱讀多首以園內植物為創作靈感嘅詩歌，仲有「草原圖書閣」及「文學扭蛋機」，讓大家投入漂書世界，隨時抽中充滿詩意嘅小配件。

Photo from 西九文化區管理局

備受歡迎嘅手作市集「海角地攤 2046」，每次「自由約」均設有手作市集，而今次首度增設Popup store，繼續支持本地創作，同時讓手作人分享他們的藝術意念。

Photo from 西九文化區管理局

歡迎你帶同寵物，一邊野餐，一邊欣賞「自由約」嘅音樂、文學、劇場同舞蹈節目，逛逛手作市集並參與創意工作坊，與親朋好友享受仲夏之「樂」！

自由約（九月份）
日期：
9月9日（星期六）及9月10日（星期日）

時間：
下午二時至七時

地點：
西九文化區苗圃公園

免費入場*
（*部份工作坊須預先登記）

詳情請參考西九自由約網頁
http://www.westkowloon.hk/tc/whats-on/current-forthcoming/freespace-happening-9-10-9-2017

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）