不一樣的溫泉！布達佩斯日間華麗古溫泉+夜晚大玩水上Party（附預約教學）

想歐遊但又唔想花費太貴，不如飛轉東歐匈牙利首都布達佩斯啦！該地物價不但相較西歐便宜，交通網絡完善便利，自遊行都唔麻煩。而且布達同佩斯被醉人嘅多惱河分隔，有多個歷史悠久嘅歐陸風情景點，非常浪漫。

小編今日就推介其中一個必去景點：塞切尼溫泉浴場（Széchenyi gyógyfürdő）！

Photo from shutterstock

溫泉大家咁浸得多，但喺古典巴洛克式無敵大大大浴場浸溫泉，你又試過未？話說布達佩斯係有名嘅「溫泉之都」，浸溫泉保健文化已經有成二千幾年歷史！去旅遊當然要體驗一下啦！

而布達佩斯最有名嘅一定係已經有105年歷史嘅塞切尼溫泉浴場啦！佢係全歐洲最大、有醫療作用嘅公共溫泉浴場！

Photo from shutterstock

浴場又大又豪華！兩個室外露天池，到處都有雕花壁飾，喺度浸溫泉猶如古代貴族。

Photo from shutterstock

同亞洲溫泉唔同，呢度室外池泉溫只係比體溫略高，約三十幾度，暖暖地等大家慢慢浸。而呢位環形浴池則有衝力，全部人跟住水流「氹氹轉」夠晒好玩！

Photo from shutterstock

男女老少齊齊歎溫泉、捉棋、吹水，保健同時盡情享受閒逸！

而呢幾座黃色雕花建築入面就有七個唔同溫度、蒸氣室嘅室內池，另有蒸氣房同按摩服務，任君選擇。

更好玩嘅係，浴場逢星期六午夜都有水上派對！DJ、派對音樂、表演、幻燈俾你不一樣嘅「溫泉」體驗！

Photo from Sparty

Photo from Sparty

Photo from Sparty

門票價格

浴場唔同時段收費不一，並供網上預先訂票。日間普通溫泉門票可到官方網站或即場購買。儲物櫃、按摩服務等額外收費。

而晚上嘅水上派對「SPArty」則名額有限，宜預先到SPArty官方網站訂購。單人、多人、配飲品與否價錢都唔同。

可於網頁嘅「Event」中，點選參加派對日期，再訂購門票。

塞切尼溫泉浴場（Széchenyi gyógyfürdő）
地址：Budapest, Állatkerti krt. 9-11
開放時間：（普通溫泉）星期一至日 06：00-22：00
（SPArty）星期六  22：30-03：00
交通：地鐵黃線（M1）塞切尼浴場（Széchenyi fürdő）站出口/電車72號至Széchenyi fürdő M站

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）