免費住宿+機票+行程！全港首創5日4夜失戀旅行團 仲會送1年後東京雙人來回機票

相信好多人失戀都會想去旅行散散心，有幾間間公司聯手合作，推出一個免費失戀旅行團，畀一啲未喺失戀傷痛走出嚟嘅朋友去體驗下，重新感受特別嘅東京旅程。

失戀旅行團係免費參加、免費提供機票住宿及行程嘅5日4夜東京失戀旅行團行程，出發前參加者可以於失戀旅行團專頁拍賣前度遺物，募集旅費。

Photo from 失戀旅行團

Photo from 失戀旅行團

參加者可以喺30個精選免費行程中，再揀自己鍾意嘅行程，當中有預約米芝蓮餐廳、人力車穿梭東京鬧市、穿著和服到富士山漫遊等。

Photo from 失戀旅行團

Photo from 失戀旅行團

Photo from 失戀旅行團

而且會免費提供airbnb贊助住宿，主辦單位會喺每間房放失戀急救箱，當中由多個生活用品組成嘅主題急救包，包括「好好睡一覺」、「好好哭一場」、「好好笑一場」。

Photo from 失戀旅行團

Photo from 失戀旅行團

旅程中會有東京著名時裝達人Samuel Alexander，為參加者設計新造型並拍照留念，仲會安排去地道居酒屋同當地人飲嘢。

Photo from 失戀旅行團

而回程機上，參加者都會由國泰送出兩套1年後東京來回機票，希望一年後會有新嘅伴侶或朋友同全新嘅自己，再一次遊東京。

Photo from 失戀旅行團

於7月24日至8月31日招募團友，全港多間小店會派3000個「失戀回郵信封」，寫一封畀前度嘅信到「香港的有限公司」，就可以免郵費寄出。主辦單位會憑內容揀出4位失戀朋友，免費參加。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）