7個食買玩會遇到嘅選擇困難 睇下自己係咪咁？

相信好多人都有選擇困難症，你地每日嘅lunch同晚餐，係咪都諗到好頭痛？以下就有7個情境，有選擇困難症嘅你會遇過嘅情況！

1.買
當你喺淘寶睇衫／行街買野嘅時候：

-揀款
個個款差唔多，點揀啊？例如買半截連身裙，一條係流蘇，一條喺流蘇+開衩，兩條你都好鍾意嘅時候，就會十五十六喇！

Photo from taobao

-揀顏色
七彩咁多種顏色，隻隻都覺得靚，點搞啊？例如買打底衫／純色T-shirt，你見到幾平，又有幾隻色覺得靚，但又費事買咁多同款衫，就會好煩惱～尤其買化妝品、唇膏、胭脂、眼影！

Photo from taobao

-無碼嘅話，買唔買好？
你本身有少少難買褲，著M就有少少窄，著L又鬆咗少少，同埋著得無M咁好睇，你就會糾結買邊個碼好呢？又或者M嗰條褲無晒碼，得番L，你又會喺到諗:L著得唔算好睇，但個款好靚，買唔買好？！

2.食
揀餐廳食Lunch／晚餐／同另一半食飯：

-揀餐廳
明明周圍好多餐廳，或者就算open rice 講晒有咩食，你會諗：食中餐、西餐、日本、韓國，定其他國家嘅餐廳？然後又諗，試唔試新野好？試新野又怕中伏，食之前食過嘅野，又話悶，都係揀唔到，最後都係食番平時食開個--麥當勞！

Photo from PressLogic

Photo from Presslogic

Photo from Presslogic

-揀餐
入到間餐廳，又要開始諗食乜！肚餓但又唔想食飯，食麵又唔夠飽；常餐定特餐？定係食小菜／晚餐ABCDE？咩都想食，個腦進入好混亂+矛盾狀態！

3.玩
日日都有好多Post介紹邊到玩，邊到影相靚，邊到打卡，成日Tag人／比人Tag，點算好？

Photo from presslogic

-去邊區玩？
每個地方都有野玩，但玩得唔長時間，就要諗下下個景點～搵嘅地方要方便，又好玩，好高難度～

-靜態活動（睇展覽／靚景點打卡？）定係去主題公園玩啲刺激啲嘅野？
玩乜又係一個學問！想打卡，但又唔想同人逼～去主題公園又怕落雨，又怕太陽曬！

Photo from presslogic

Photo from presslogic

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）