迪士尼人物關係圖枕頭套 小熊維尼/獅子王/小姐與流氓 一共四款 等米奇陪你瞓個好覺

9月份號係日本嘅「秋之睡眠日」，為咗迎接呢個「大日子」，日本Kiddy Land推出原創迪士尼枕頭套。

呢款枕頭套最特別嘅地方係佢同普通就咁印上迪士尼人物嘅枕頭套唔同，呢款枕頭套上面印嘅係迪士尼角色關係圖，所以基本上所有主要角色都會喺晒上面㗎！而且質地軟熟，有助入眠，啱晒瞓住嚟過「秋之睡眠日」啊！

Photo from 《Kiddy Land》官網

今次一共推出咗4款枕頭套，分別係：《米奇老鼠》、《小熊維尼》、《獅子王》同埋《小姐與流氓》。

各個角色之間嘅關係都非常有趣，例如《小熊維尼》入面，跳跳虎同瑞比嘅關係係「noisy」，而袋鼠小荳對跳跳虎就係「respect」咁，好搞笑。

Photo from 《Kiddy Land》官網

《米奇老鼠》當然唔少得米奇、米妮、唐老鴨、高飛等經典角色，連佢哋啲侄仔侄女都有啊！

Photo from 《Kiddy Land》官網

《小熊維尼》就有齊小豬、跳跳虎、咿唷等住喺百畝森林嘅朋友仔，啱晒小熊維尼fans！

Photo from 《Kiddy Land》官網

《獅子王》以辛巴為中心，有父親木法沙、好友丁滿同彭彭、大奸角刀疤，仲有沙祖、拉飛奇同斑鬣狗添！

Photo from 《Kiddy Land》官網

《小姐與流氓》向來周邊商品唔多，今次fans有好消息喇！電影入面嘅狗仔都喺晒度！有查克、老喬等等，fans見到一定勁有親切感！

Photo from 《Kiddy Land》官網

Size：W630mm×H430mm
發售日期：2018年9月3號
售價：2,000円（不含稅）
發售地點：Kideirando 32店

詳情可參考官網。

有咁多迪士尼人物陪你，實唔怕無覺好瞓啦！快啲帶佢哋返屋企啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）