download HolidaySmart 假期日常 app
東京瘋狂血拼組!喜訊~9月起澀谷2個多功能新商場開幕!商場上蓋有埋酒店?!

東京瘋狂血拼組!喜訊~9月起澀谷2個多功能新商場開幕!商場上蓋有埋酒店?!

By 123testing on 30 Aug 2018

黎緊諗住去東京瘋狂購物嘅朋友一定唔可以錯過!黎緊9月係澀谷站周邊就會有兩個新嘅商場可以瘋狂購物!

兩個新嘅商場分別係SHIBUYA STREAM (渋谷ストリーム)SHIBUYA BRIDGE (渋谷ブリッジ)!將會係9月13號開幕
東急グールプPhoto from 東急グールプ

呢兩個新嘅商場,連同周邊有8個新嘅建設其實都係東急集團推進澀谷站周邊2.5km發展嘅工程之一,為左可以擴展沿站嘅「澀谷圈」

所以呢啲建設會將澀谷原宿、表參道、青山代官山連接!

位於澀谷站嘅南側,被稱為「次代嘅潮流起點」。因為商場活化本來嘅澀谷川,設計好前衛。而且營造左一個比創意工作者發揮所長嘅環境!感覺好有活力嫁~
SHIBUYA STREAM (渋谷ストリームPhoto from 渋谷ストリーム)

1樓室外空間會係平台,一共有兩個露天廣場,預告將會舉辦唔同嘅文化活動,仲會有一啲短期市集嫁。
渋谷ストリームPhoto from 渋谷ストリーム

而1~3樓室內會係大家可以瘋狂購物嘅商舖同餐廳!矚目嘅係一共有13間餐廳都係都係一個嶄新嘅品牌,係日本首度開業;7間係首度係澀谷地區開業~
渋谷ストリームPhoto from 渋谷ストリーム

而且有一間以海鮮為主打嘅過江龍 - XIRINGUITO Escribe
XIRINGUITO EscribePhoto from XIRINGUITO Escribe

XIRINGUITO EscribePhoto from XIRINGUITO Escribe

而4樓會係一個多用途廣場,亦可以比大家血拼完有個地方回一回氣~渋谷ストリームPhoto from 渋谷ストリーム

而4-6樓更會有一個可以容納約700人嘅場所,主要會用作開微型音樂會!

9-13樓會係一間新開幕嘅酒店,名為「[渋谷ストリームエクセルホテル東急」(SHIBUYA STREAM EXCEL HOTEL TOKYU),一共有180間酒店房~如果住呢度真係超級方便啊!
渋谷ストリームエクセルホテル東急Photo from 渋谷ストリームエクセルホテル東急

廣告
廣告

而14-35層將會用作商業寫字樓用途。

SHIBUYA BRIDGE (渋谷ブリッジ)
呢個商場以長型兩座建築物A棟同B棟嘅形式設計,連接左澀谷站同代官山站,同時變成兩個地區嘅橋樑,所以命名為「SHIBUYA BRIDGE」。
渋谷ブリッジPhoto from 渋谷ブリッジ

渋谷ブリッジPhoto from 渋谷ブリッジ

渋谷ブリッジPhoto from 渋谷ブリッジ

由JR澀谷站嘅新南口行只係需要7分鐘;而係東急代官山站行亦只係12分鐘!
渋谷ブリッジPhoto from 渋谷ブリッジ

A棟會以兒童樂園開發用作育兒所,名為「Small Alley」。

而B棟低層用作餐廳同商舖,而上層用SHIBUYA STREAM原理相類近,興建成酒店同辦公室!
渋谷ブリッジPhoto from 渋谷ブリッジ

酒店會叫Mustard Hotel Shibuya(マスタードホテル),一共有76間客房~
マスタードホテルPhoto from マスタードホテル

呢兩個新起嘅多功能新商場,應該會為澀谷站周邊帶黎好大變化!而對於遊客,又會多左兩個好方便嘅駐腳點,可以book到上層超方便交通嘅酒店同係下層瘋狂購物!

Source:東急グールプ、渋谷ストリーム、渋谷ブリッジ、渋谷ストリームエクセルホテル東急、マスタードホテル
Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel