唐寧深入工人姐姐家鄉 望著佢嘅仔女內疚落淚

ViuTV最新真人騷節目--最熟悉的陌生人，係圍繞住香港演員嘅工人姐姐。

Photo from 《最熟悉的陌生人》

第一集就係講唐寧嘅工人--Muji。

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

佢喺節目入面提到，當初佢係冇諗過請工人，佢媽媽一直都有幫手湊對仔女。但係之後佢媽媽患咗坐骨神經痛，要住院，自己又要打工搵錢，逼於無奈就請工人姐姐。

Photo from 唐寧instagram

Photo from 唐寧instagram

Photo from 唐寧instagram

因為唐寧係印尼華僑，所以就請翻個印尼姐姐，「話晒係同鄉嘛～」

佢一去到Muji屋企，即刻衝上去攬住Muji同佢仔仔Riski。佢攬住6歲Riski嘅時候，見到佢哭笑不得。佢就話：「我對住Riski就有種好複雜嘅感覺，對佢好愧疚，因為喺出世咁耐，佢同媽咪相處嘅日子唔夠100日。剩落嚟嘅2000幾日，都用咗嚟照顧我嘅仔女。」唐寧繼續講：「呢幾日短短嘅相處時間，我會當Riski係親生仔咁錫。」

Photo from 《最熟悉的陌生人》

當唐寧參觀Muji新起嘅屋嘅時候，佢又忍唔住眼濕濕。佢一直內疚，因為照顧自己嘅屋企人，而剝奪工人姐姐同仔女嘅天倫之樂。啱啱起好嘅屋，明明Muji先係間屋嘅主人，但係佢偏偏係最遲入住嗰個，甚至係今次翻印尼先見到自己間屋。

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

本身佢可以訓喺一個舒服啲嘅房，點知喺佢翻到嚟嗰陣，已經有人住咗。唐寧笑住咁話：「有樣嘢好搞笑～佢係暫住自己屋企。」但佢講呢句嘢嘅時候，係心痛住Muji，即使有咗自己間屋，都唔可以長住。連Muji 自己都話：「覺得自己係客人。」

Photo from 《最熟悉的陌生人》

Photo from 《最熟悉的陌生人》

不過同時佢又好感恩，因為Muji 一直都話想起屋，依家見到間屋喺度，好戥佢開心，因為佢終於完成咗人生其中一件佢想做嘅事。

參觀完屋企，Muji就帶唐寧感受家鄉生活。

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

透過同Muji+佢姑姐嘅對話，大概知道印尼嘅工作機會、婚姻係點。佢哋講到，大部分人畢業之後，都好難搵工，唯有到香港做工人。而喺印尼，普遍都早婚，姑姐話：「嗰陣我16歲，老公19歲，係奉父母之命結婚，唔敢拒絕。喺鄉下，16歲嘅時候係唔識自己搵男朋友。」

工人姐姐為咗湊人哋嘅細路，失去咗睇住自己小朋友長大嘅過程；同人哋嘅仔女關係好密切，但係同自己嘅仔女1年見唔到好多次；外傭對香港好多家庭都好重要，但係佢哋喺自己屋企嘅地位都無所替代。希望大家都好好對待自己嘅工人姐姐啦～

Photo from 《最熟悉的陌生人》

Photo from 《最熟悉的陌生人》

Photo from 《最熟悉的陌生人》

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）