唔鍾意用腦／做做下嘢望隔離位 都可能患上專注力不足！

細細個有冇人話你成日坐唔定、比啊媽鬧你成日左耳入右耳出，冇耳性？大個咗，你有冇成日撳電話？做做下嘢會望隔離位？相信冇乜人鍾意用腦，最好咩都唔洗諗、唔洗煩！不過，有以上嘅特徵嘅你，可能有專注力不足嘅問題。

專注力不足8個特徵：

1.粗心大意
無論細個定大個，做功課定打文件，成日都出錯～錯埋啲唔小心嘢！

Photo from shutterstock

2.無法持續注意力
專注力不足顧名思義，就係冇辦法長時間集中！做做下嘢一定要行開一陣，例如飲下水等～

Photo from shutterstock

3.左耳入右耳出
人哋講完啲咩，轉過頭就唔記得。小編都係咁，成日比啊媽鬧冇耳性！唔單止比人鬧當耳邊風，講正經嘢，例如公事，無辦法完成人哋交代嘅事。

Photo from shutterstock

4.成日唔見嘢
我哋細細個成日唔見擦膠、鉛筆......雨遮成日漏低喺其他地方，都關專注力不足事！

Photo from shutterstock

5.缺乏組織力
點解咁都關事？專注力低會影響組織力。例如做報告，有幾樣嘢要做，但第一樣嘢做到一半就唔做，然後做第二樣嘢。最後搞到成份嘢好亂！

Photo from shutterstock

6.唔鍾意／逃避／抗拒需要持續用腦嘅工作
要集中好需要大腦控制。嚴重嘅可能玩Board Game、Card Game都會抗拒。

Photo from shutterstock

7.容易分心
成日做做下嘢撳電話，睇Facebook、Instagram；又或者隔離有人行過你會八卦望下。

Photo from shutterstock

8.成日唔記得嘢
因為人哋同你講嘢嘅時候唔專心，左耳入右耳出，所以影響會搞到成日唔記得嘢～嚴重起嚟，常規嘢都會唔記得。例如小朋友實試過明明逢星期一係體育堂，但都唔記得著體育服返學。

Photo from shutterstock

不過，根據美國精神學會嘅定義，出現以上其中一個特徵或以上，維持超過半年，導致社交、學習或工作上出現障礙。呢個病基本上會7歲前會發起。專家話大個咗呢啲病徵係會消失，不過只有3分1嘅人會康復～

Source：ViuTV & 教育局

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）