「延禧攻略」5演員旋風式襲港 同大家一齊慶中秋！

大家煲完延禧攻略未呢？被《延禧攻略》演員們圈粉嘅你哋想唔想見下佢哋真人先？依家有機會啦！！！

Photo from 延禧攻略微博

Photo from 延禧攻略微博

Photo from 延禧攻略微博

「富察傅恒」許凱、「富察王后」秦嵐、「魏瓔珞」吳謹言、「嫻妃」佘詩曼同「爾晴」蘇青將會喺今個月24日（9／24）嚟香港為劇集宣傳同埋跟香港觀眾見面，可惜「皇帝」聶遠因工作關係而唔能夠「微服出巡」！許凱作為唯一男丁嚟香港，要繼續「傅恆」上身，好好保護劇中4位女演員啦！

Photo from 延禧攻略微博

夜晚8點，佢哋仲會到馬鞍山其中一個商場（有好大機會新港城／馬鞍山廣場）同觀眾們一齊慶祝中秋，係粉絲嘅你哋，仲唔把握機會見見「富察傅恆」同「魏瓔珞」？或者去會一會「噁晴」！

好可惜嘅係，「皇后」秦嵐因為工作緊密，喺無綫完成節目錄影之後，就要立即離開香港。粉絲們就唔可以一睹皇后芳容，緣慳一面啦～

想親睹許凱俊俏嘅面孔、吳謹言嘅美貌嘅話，就唔好錯過啦！

Photo from 吳謹言微博

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）