一將功成萬骨枯！《登月第一人》成為首個上月球嘅太空人前 背負不為人知嘅壓力同不安

《La La Land》男主角賴恩高斯寧最近擔任《登月第一人》男主角，出演歷史上第一位登上月球嘅太空人。電影著筆嘅唔係「阿波羅計劃」，而係登月第一人Neil Armstrong。

Photo from Universal Pictures HK

由首位登陸月球太空人尼爾岩士唐傳記改編，以岩士唐為中心，敍述美國太空總署於1961至69年間籌備及完成登月任務嘅故事。尼爾岩士唐（賴恩高斯寧 飾）參與美國太空總署（NASA）的太陽神計劃，進行史上首個載人登陸月球的任務。在這太空科技剛起步時代，國家不惜工本，甚至犧牲性命，誓要達成史無前例嘅成就。

Photo from Universal Pictures HK

入面與其話講「太陽神計劃」幾咁成功，不如話係講上月球前太空人要做嘅艱辛準備、壓力、生命危險，仲有不安。

因為太空人喺訓練嘅時候，進行正常人無辦法承受嘅一啲訓練，而呢啲訓練緊接住理論課程，同時實踐訓練又會隨時有生命危險，不斷有要快速完成嘅壓力，因為蘇聯同美國嘅太空科技競賽，只要蘇聯又有太空科技進一步，美國就會更大壓力要盡快完成。

Photo from Universal Pictures HK

從Neil角度睇登月球呢件事，睇住隊友一個個為任務而犧牲性命，明知要冒好大生命危險都要去嘗試。

但當中電影中描繪出殘酷嘅現實——當登上月球嘅任務尚未成功，太空人因為訓練而出意外，國民就覺得太空計劃花費巨款，應該將啲錢放喺民生，而唔係放喺太空，更加遷怒於已故太空人嘅家人身上。

Photo from Universal Pictures HK

而Neil完成到登上月球嘅任務時，就好似成為英雄咁。而佢嘅成功除咗自身嘅即時應變同能力，仲有隊友之前嘅努力，睇到會有種「一將功成萬骨枯」嘅感覺。

Photo from Universal Pictures HK

同埋Neil屋企都係另一條線，可以睇到太空人嘅家人唔會好期待佢地可以上太空，相反係會一直好擔心、不安，睇住市民不斷反對太空計劃嘅矛盾。

而Neil上月球前一晚執行李，面對老婆追問佢係咪未必會返到嚟，佢不斷迴避，到老婆迫佢同兩個小朋友講「可能係最後的對話」。

Photo from Universal Pictures HK

大仔問到佢係咪可能會返唔到嚟，同佢登月前記者會回答問題形成對比；對記者，佢可以耍官腔迴避，但面對自己個仔，佢想含糊帶過，不過唔成功，無辦法直視大仔，講出可能真係會返唔到嚟嘅事實。

Photo from Universal Pictures HK

當下有種好真實嘅惑覺，成就一個創舉前當中要背負嘅覺悟、壓力，以及隊友們嘅犧牲，成功光芒背後嘅付出。

不過《登月第一人》主要以hand held方式拍攝，有啲鏡頭會搖晃得比較厲害，特別係一啲影到太空儀器同有危險嘅鏡頭，就會更為明顯，睇起嚟會有少少暈。

Photo from Universal Pictures HK

《登月第一人》
上映日期：10月11日

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）