古天樂公司接手製作TVB 週一至五8點時段處境劇 《開心速遞》明年3月完結
有消息指出，如果集數不變嘅話，一共有540集嘅《愛回家之開心速遞》，會於2019年3月20播出大結局。
有TVB內部員工向傳媒爆料指出：「該劇將不會加長，套劇亦會外判俾出面做。」TVB星期一至五晚上8點至8點30分呢個時段播放嘅處境劇，將會外判俾出面接手製作。
該員工仲指出，接手嘅係古天樂嘅公司天下一，並指已有唔少行內人得悉此事。
而講到外判原因，都係為咗慳，事關開一個廠，演員、導演、幕後、燈光等等都需要好多錢，開少個廠就自然慳咗。該員工仲話之前收咗個16廠，遲吓仲會收多個。
其實《開心速遞》前前後後已經加過3次集數，而《愛·回家》系列嘅4輯劇集，一共播放7年之久，亦都大受好評。TVB自製嘅處境劇會否就此迎來終結？天下一嘅電影製作都大受好評，好似《五個小孩的校長》、《逆流大叔》等等，如果真係由古天樂公司接手製作嘅處境劇又會帶來咩新鮮感，觀眾又buy唔buy呢？大家拭目以待啦！（如果真的話）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
