黃秋生因塞車10分鐘 錯過見媽媽最後一面！一手籌備媽媽喪事 免打擾在外兒子學業！

黃秋生自細同媽媽相依為命，尋日拍劇時向記者透露佢80幾歲媽咪病危透，情況唔樂觀，已經冇咗精神意識：「尋日醫院打嚟要我即刻去醫院，話媽媽情況唔好，都係等時間，唯一希望係佢舒舒服服，不知不覺咁，唔好咁多痛苦。」令秋生非常擔心。

Photo from 黃秋生facebook

點知事隔一日即傳嚟惡耗，佢媽咪今日晏就離世。秋生接受傳媒訪問時表示：「我咁啱喺醫院睇完佢，離開途中突然接到電話返轉頭，點知塞車，就係差嗰十分鐘，見唔到佢最後一面。」

Photo from 黃秋生facebook

一向侍母至孝嘅佢表示，會全力籌備媽媽嘅喪事。問到母親有咩遺願，他答：「佢生前已經講唔到嘢，得一隻眼睇到。好彩我今日下晝都陪咗佢兩個鐘～」

Photo from 黃秋生facebook

佢表示，唔會叫喺外國讀緊書嘅仔仔番香港奔喪，廢事騷擾佢讀書！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）