首個維他奶植物奶咖啡攤檔11月4及11日登陸糖廠街市集 必睇限定特飲及維他奶別注版禮品

好多香港人每朝都要飲返杯咖啡提提神，不過依家飲食講求健康，所以咖啡改用植物奶嘅趨勢越嚟越盛行。

植物奶係由大豆、杏仁等等嘅植物原料提煉而成，佢嘅口感同牛奶相似，不過卡路里就比全脂牛奶低，而且零膽固醇同不含乳糖，仲含有豐富嘅營養價值添！完全符合大眾追求健康嘅生活態度啊！

想飲植物奶咖啡？咁你就一定要去糖廠街市集咖啡節喇！因為維他奶會喺咖啡節度擺放全港首個維他奶植物奶咖啡特色攤檔啊！

Photo from 維他奶

Photo from 維他奶

今次係維他奶首次參與糖廠街市集咖啡節，維他奶新推出咗由澳洲咖啡師團隊合作研製專為咖啡師而設嘅「Café For Baristas – Soya Milk 專業沖調用豆奶」，用獨有配方改善豆奶同咖啡混合嘅平衡度，提供多款健康Go Green選擇俾鍾情植物奶沖調咖啡嘅各位～

Photo from 維他奶

Photo from 維他奶

今年嘅糖廠街市集咖啡節以「種子到杯子」為主題，提倡可持續發展以及環保咖啡製作，同維他奶以營養、好味同可持續發展的開拓產品方針不謀而合，所以就聯同本地著名咖啡店Ideaology，喺咖啡節設立首個植物奶咖啡攤檔，提供幾款植物奶咖啡同特飲，好味得嚟又健康，幾款咖啡同特飲仲係限定口味，淨係得咖啡節維他奶攤檔有得飲㗎咋！

秋冬季節，最啱飲返杯熱咖啡。呢個攤檔以「Be Good to Yourself」為主題，令大眾明白健康唔一定要食得清淡，好味同樣都可以健康！咁先係最好嘅生活品味～

攤檔以維他奶新推出嘅「Café For Baristas – Soya Milk 專業沖調用豆奶」配合Ideaology本地自家烘焙嘅優質咖啡豆，提供五款創新嘅植物奶特色熱飲，令大眾一嚐健康滋味！

1. Soy Good Latte豆奶咖啡

Photo from 維他奶

植物奶咖啡就當然唔少得經典嘅「豆奶咖啡」喇！維他奶嘅專業沖調用豆奶，配上Ideaology喺巴西、印尼同哥倫比亞自家烘焙嘅優質咖啡豆，咖啡香濃、奶泡柔滑，卡路里含量比牛奶咖啡低40%，而且不含反式脂肪同膽固醇，好味又健康，咖啡迷必飲！

2. Soy Mocha Latte朱古力豆奶咖啡

鍾意飲Mocha嘅朋友就要試下朱古力豆奶咖啡喇！口感幼滑嘅豆奶咖啡加入朱古力，香濃嘅可可香氣，令人一試難忘！

3. Nagoya Matcha Soy Latte名古屋抹茶豆奶

抹茶控必試名古屋抹茶豆奶。用上名古屋抹茶粉，配合維他奶嘅專業沖調用豆奶，完美咁平衡抹茶嘅甘香溫醇，突顯日式風味。

4. Beet Root Soy Latte紅菜頭朱古力豆奶特飲

Photo from 維他奶

鍾情創新口味嘅你一定要試下紅菜頭朱古力豆奶特飲～深紅色夠晒sharpe！初入口有清新紅菜頭味道，然後慢慢瀰漫濃郁朱古力香味，勁有層次感！而紅菜頭有降血壓、抗氧化同補血等功效，加上具豐富營養價值嘅豆奶，係追求健康嘅你嘅首選！

5. Okinawa Black Sugar Almond Latte 沖繩黑糖杏仁奶咖啡

仲有澳洲杏仁奶同日本沖繩黑糖crossover新作—沖繩黑糖杏仁奶咖啡！今次嘅植物奶係來自澳洲嘅維他奶「CAFE FOR BARISTAS Almond Milk專業沖調用杏仁奶」，醇厚杏仁香氣配合香濃咖啡，加上奶泡上面滿滿嘅沖繩黑糖，多重口感，滋味無窮～

Photo from 維他奶

以上5款創新嘅植物奶特色熱飲每款都只係售$28！係咪好想快啲飲到呢？咁就要喺11月4號同11號兩個星期日嚟咖啡節嘅維他奶攤檔喇！因為幾款熱飲都係限定口味，淨係得咖啡節維他奶攤檔有得飲㗎咋！而且最重要嘅係喺呢兩日期間喺維他奶攤檔買嘢飲有豐富嘅優惠等住你啊！

Photo from 維他奶

1. 凡購買兩杯飲品兼讚好維他奶Facebook專頁就送維他奶限量別注版「Plant-Based Coffee」Tote Bag 1個！

2. 購買任何飲品可以$30加購原價$188嘅別注版「手挽隔熱咖啡杯套」！

3. 上傳「最喜愛的維他植物奶咖啡及特飲」相片去維他奶Facebook專頁仲有更加多豐富禮品！

係咪好吸引呢？買嘢飲又有嘢送，想飲健康植物奶咖啡嘅咖啡fans記得喺11月4號同11號兩個星期日去咖啡節嘅維他奶攤檔喇！

「糖廠街市集咖啡節-維他奶植物奶咖啡特色攤檔」

Source from 維他奶