政府斥資推「走塑」運動！大家樂/大快活/美心破天荒合作 外賣食客可儲印花換環保餐具或熱飲

尋日(31/10)政府就公佈咗實施廢物收費措施嘅方案。為咗鼓勵市民減少使用塑膠餐具，政府就同香港3大連鎖快餐店大家樂、大快活及美心合作舉行「走塑」環保獎勵運動。

Photo from 大快活

到時食客只要喺呢3間快餐店買外賣，而唔拎塑膠餐具，即可換印花，光顧同一品牌嘅快餐店儲夠6個印花，就可以換一套可重用餐具，或熱飲一杯。

而活動中政府亦會斥資7位數字推動依次運動，資金包括製造共百萬套重用餐具及宣傳等。

Photo from 美心MX

消息指現時已預製約20萬至30萬套可重用餐具供食客換，包括匙、叉同筷子，設計可方便食客隨身攜帶使用。

Photo from 大家樂

活動將於11月15日開始，暫為期兩個月。如果反應好嘅話就會再喺明年2月中再次推行。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）