麥明詩考獲美國執業律師牌 劍橋法律系畢業生終成真律師！

麥明詩係會考十優嘅高材生，劍橋法律系畢業之後，佢回港參加香港小姐競選，成功奪冠，高學歷嘅佢未從事法律工作令唔少人大感可惜，但原來麥明詩已考獲美國執業律師牌！

麥明詩由參選港姐以嚟一直都係大眾焦點人物，同佢嘅學歷有極大關係。

Photo from 麥明詩 ig

由會考十優，到劍橋法律系畢業，回港參選港姐後一舉奪冠，再入娛樂圈，麥明詩嘅經歷令唔少人稱佢為「人生贏家」，不過同時亦有人認為佢有咁高學歷卻入娛樂圈發展係大材小用，浪費咗自己嘅高學歷。

其實麥明詩呢三年嚟一直自修讀法律課程，最近飛去美國紐約宣誓，正式考獲美國執業律師牌。

Photo from 麥明詩 ig

麥明詩一直無公開提及要考律師牌，而唔係美國本地人嘅佢，要讀另一個地方嘅法律難度更高，再加上佢係邊工作邊讀書，依家成功考到律師牌，可見佢嘅毅力！

Photo from 麥明詩 ig

咁啱嘅係，麥明詩喺台慶劇《是咁的，法官閣下》入面正正就係飾演一名新仔律師，難怪做得入型入格，獲觀眾讚有進步。

Photo from 麥明詩 ig

同樣讀緊法律嘅朱千雪都話要交流下～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）