戇豆先生任《我就是演員》客席評判 回應媒體多次傳其死訊指係「終極網絡暴力」

英國喜劇演員路雲雅堅遜（Rowan Atkinson）飾演嘅經典角色「戇豆先生」深入民心，對全球唔少觀眾嚟講，佢就係「戇豆先生」。

不過深受大人細路歡迎嘅戇豆先生真人其實比較內斂，更有傳佢因為精神壓力而患抑鬱症。

戇豆先生最近就上咗內地綜藝節目《我就是演員》，擔住節目嘅客席評判。

Photo from 《我就是演員》

Photo from 《我就是演員》

雖然節目入面嘅出演嘉賓都係以普通話講台詞，但路雲仍然對每段演出俾出一啲中肯嘅評價，其中一場表演路雲更加睇到喊添！

Photo from 《我就是演員》

而喺節目入面其中一個表演係有關「網絡暴力」。當主持人人問到路雲有無遇過類似情況，路雲就話網上經常謠傳其死訊。

Photo from 《我就是演員》

佢表示呢個可以話係最終極嘅網絡暴力。

Photo from 《我就是演員》

但佢幽默回應指：「很抱歉，讓那些期待我去世的人失望了。」

Photo from 《我就是演員》

路雲曾經多次被傳死訊，最近一次係今年7月，網上甚至有「R.I.P Mr Bean」嘅page，又難怪佢談起都顯得非常無奈。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）