全球首例！長時間烈日下玩電話 恐燒穿視網膜影響視力

現今社會大家對手機可以話係生活上嘅必需品，無論去到邊都會機不離手。其實咁樣除咗會令近視、散光加深之外，原來仲有機會傷及視網膜添㗎！

Photo from shutterstock

早前台灣就有一名女子因長時間喺陽光下用手機，導致視網膜穿洞，睇嘢時影像會扭曲，右眼視力亦明顯降低，此屬全球首個案例。

Photo from shutterstock

據指該女子因為工作關係要成日外出見客，一日有4～5小時要喺猛烈陽光下看手機，而依個習慣已經維持至少3年以上。

直到2年前佢發現眼睛睇嘢時影像會扭曲同出現眩光，今年2月更發現右眼視力明顯衰退，所以搵醫生檢查。

Photo from shutterstock

當時醫生確定佢患有約500度近視，但矯正後右眼依然係睇得唔清楚。後嚟再經過仔細檢查後，先發現原來佢右眼嘅視網膜細胞層有水腫，並出現一個大洞嘅情況。

幸好經過3個月治療，當時人右眼中嘅空洞已消失。

不過依個時候一定會有人話咁貼抗藍光貼膜或抗藍光眼鏡咪得囉。依個諗法係錯㗎，因為其實依啲根本無辦法完全阻擋藍光，使用者一直曝露喺危險波段的藍光下，傷害會更大。

最後小編都係呼籲大家一句為咗你靈魂之窗著想，都係唔好太沈迷玩手機。如果真係要喺猛烈陽光下用手機就唔應連續超過三小時，又或者戴上太陽眼鏡喇！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）