流心奶皇梳乎厘班戟貼心平民價人氣梳乎厘班戟入侵銅鑼灣喇～

By Charlotte on 11 Oct 2017

Editor

Rock You！！！！梳乎厘Pancake尼啲人間天堂般嘅美食，理應每位親愛嘅平民百姓都食到㗎嘛！唔洗下下排成日，又再俾成舊水先試到嘅。尼間位於銅鑼灣希雲街嘅《I Love You Dessert Bar》價錢比較平民化，而且口味方面亦都好有創意好吸引㗎！一齊睇下有咩選擇喇～

Photo from Presslogic第一間嘅I Love You Dessert Bar係位於旺角嘅外賣舖，今次銅鑼灣分店有得俾大家坐住食，談下心喇～而且梳乎厘Pancake仲有銅鑼灣先有嘅口味添！值得一提嘅係店入面全部食物都係自家製㗎！主廚Perry Lau係師承全球十大影響力嘅米芝蓮廚師－Philippe Léveillé。Perry仲曾經係外國獲得多個獎項添！

1.蓮蓉馬卡龍.流心奶皇梳乎厘班戟配豆腐雪糕（$56）
Photo from Presslogic
月餅節啱啱過咗，大家有無試到賣斷市嘅大品牌流心奶皇月餅呢？無！唔緊要～輕鬆的。有無諗過，當流心奶皇遇上梳乎厘Pancake？（小編已經流曬口水）Oh gosh！騰騰鎮嘅梳乎厘Pancake，肢解後流出邪惡嘅奶皇，仲有一粒粒蛋黃粒添。
Photo from Presslogic
配埋一球你以為佢係雲呢拿其實佢係豆腐味嘅雪糕，仲有你以為佢係普通馬卡龍其實佢係蓮蓉味嘅。清清地嘅豆腐雪糕，中和番奶皇同蓮蓉嘅膩，最佳拍檔！每個戟都有舊佢地新鮮打嘅cream，非常輕身，所以一啲都唔膩㗎！

2.忌廉芝士梳乎厘班戟（$56）
Photo from Presslogic當你以為忌廉芝士加上梳乎厘班戟係會好膩嘅時候，佢又唔係喎。經過總廚精心調配後，忌廉芝士無咁厚身，所以食落都輕盈啲。加上忌廉芝士燒過黎，所以好香㗎！
Photo from Presslogic

3.拿破崙士多啤梨吉士班戟（$42）
除咗梳乎厘Pancake，店內亦有拿破崙吉士pancake食㗎～上下兩層自製拿破崙，再入就係吉士同士多啤梨嘅組合，最核心個層就係一層厚嘅熱香餅。
Photo from Presslogic
口感食落先係鬆脆，再黎就係細滑嘅吉士，最後，暖暖的非常實在嘅熱香餅。口感好豐富呀！
Photo from Presslogic

4.泰國菠蘿仔梳打（$45）
食啲咁rich嘅甜品，小編覺得一定要配番清爽嘅野飲喇！
Photo from Presslogic
尼個菠蘿梳打好好，絕對唔會太甜之餘，仲有切開左平嘅泰國蜜心菠蘿仔係入面添㗎！
Photo from Presslogic
好特別嘅係，除咗飲品用外形似金魚兜著住，嗌佢地嘅野飲，會附設兒時小遊戲釣金魚，俾你地娛樂下㗎～
Photo from Presslogic