旺角甲蟲專賣店！甲蟲都可以做寵物？原來好易養！

甲蟲？蟲蟲特工隊就睇得多！
小編第一次聽到養甲蟲個心都打冷震⋯⋯但原來香港有班甲蟲愛好者，係旺角仲有一間甲蟲專賣店添！
今次就帶大家去到旺角嘅「蟲森萬象甲蟲專門店 Discovery Beetles」，訪問下店長究竟養甲蟲究竟係點啦！
店長表示，香港人對於養甲蟲實在有太大嘅誤解喇⋯⋯以前好多人一聽到就話，點解你要養啲咁核突嘅野？
好彩後來電視劇Laughing哥都養左一隻甲蟲「囂士」～大家先慢慢放低對甲蟲嘅誤解～～

Photo from PressLogic

店長表示甲蟲愛好者都有一個目標就係養到啲角又粗又靚～乜原來都可以控制架咩？
係呀！其實只要將公甲蟲同母甲蟲配種，配多幾代就可以架啦！但每一代都要配得好小心先可以令佢地後代靚靚仔仔呀～

首先請店長介紹佢地嘅鎮店之寶「長戟大兜」啦～
「長戟大兜」亦係全店最大隻同最貴嘅甲蟲種類，目前係$1580一對！

Photo from PressLogic

咁有無啲岩新手養嘅甲蟲呢？都有架！
呢款就係好受少女歡迎嘅「彩虹鍬型蟲」！
「彩虹鍬型蟲」嘅價格曾經高至500萬円！後來經過人工繁殖變得普及，依家四至五百元就可以有一對架啦！
佢地仲有深紫色、藍色、綠色等等！ 不過始終係紅色最受歡迎～

Photo from PressLogic

介紹完甲蟲～咁究竟甲蟲出世個樣係點架呢？原來「甲蟲BB」都有得賣架！
相信大家都會知道，甲蟲變成蟲之前係蛹黎嘅～
店長就比左「長戟大兜」嘅蛹比我地睇～因為有啲甲蟲品種係當刻未必係成蟲期，所以店長都會賣成蟲及幼蟲～
～

Photo from PressLogic

咁甲蟲係食咩架呢？其實甲蟲係野外自然界係吸食樹液及水果，
呢包就係人工製成嘅防樹液果凍，供甲蟲餵食～
呢種甲蟲啫喱營養豐富！同人食嘅啫喱最主要嘅分別係不含防腐劑～

Photo from PressLogic

甲蟲嘅壽命多數都只有一兩年～死左之後會點呢？
店長話甲蟲死左之後嘅價值都好高架～大部分死左嘅甲蟲都會用黎製成標本～
佢仲示範左一次點樣將甲蟲屍體製成標本～

Photo from PressLogic

不過為免嚇親大家小編都係唔放相啦～
如果大家好有興趣知道嘅話，行開旺角就記得上去喇！

Photo from PressLogic

唔講唔知，原來日本有一本專講甲蟲嘅雜誌！
店長當然都有賣呢本雜誌啦～真係好神奇呀！

如果大家都心思思想知道更多甲蟲事嘅話，就記得去旺角門店搵店長傾下計啦！

蟲森萬象甲蟲專門店 Discovery Beetles

FACEBOOK
www.discoverybeetles.com

地址：香港九龍旺角通菜街171號1/F
電話：5488 8266

屯門店:石排頭路5號偉昌工業中心9樓K室

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載