去歐洲玩遇上航班取消/Delay點算好?原來唔一定只接受Refund/退票 仲可以根據歐盟法規同航空公司索賠

去歐洲玩遇上航班取消/Delay點算好?原來唔一定只接受Refund/退票 仲可以根據歐盟法規同航空公司索賠

Tips 旅遊學堂 · Travel News 旅遊新聞 · World 世界旅遊 · Culture 各地風俗
By PressLogic on 08 Nov 2018

近年唔少人都鍾意自助遊,不過開心出遊之餘有時都難免會有航班問題發生,如:航班取消、Delay、超買等等。有人會諗呢啲情況一般都只有接受航空公司提出嘅Refund或者退票選擇,不過其實原來喺歐盟規章中係有一條「EC261」法規係歐盟航空業嘅消費者保障規章。

pinterest
Photo from pinterest

歐盟「EC261」到底係咩?

歐盟「EC261」規章(又稱EU261規章)是歐盟航空業的消費者保障規章。如果你的歐洲線班機被取消、重大延誤、被拒載,你都有可能受到歐盟EC261規章的保障。

WEB
Photo from WEB

航班如何受到歐盟EC261規章保障?

如果你的航班符合以下期中之一個條件,即表示你已受到歐盟EC261規章保障:
1.從歐盟成員國機場起飛的任何航班; 或
2.從非歐盟成員國飛往歐盟成員國的航班,且承運人為歐盟航空公司。

P.S:歐盟成員國的定義含瑞士、冰島、挪威,但不包括英屬直布羅陀。另外,2019年三月英國正式脫歐後,EC261能不能依現況保障英國起降之航班仲存有未知數。

pinterest
Photo from pinterest

旅客點先可以受到保障?

1.[航班延誤] 持有已出票機票,並在規定時間內辦理check-in登機手續的旅客。
2.[航班取消] 持有已出票機票的旅客。
3.[被承運公司轉到另一航班] 持有已出票機票的旅客。

pinterest
Photo from pinterest

航空公司必須提供咩賠償或協助?

簡單嚟講賠償可分為四大項:

1. 第七條賠償金(Article 7 Compensation

相信大家最想得到嘅賠償金是以航程來算:
(a)短途(1500公里以內嘅所有班機)賠償最高可達250歐元
(b)中途(少於1500公里的歐盟境內班機或航程喺1500至3500公里之內嘅非歐盟境內班機)賠償最高可達400歐元
(c)長途航程賠償最高可達600歐元

但如果航空公司有向你提供替代班機,且替代班機嘅抵達時間你上述(a)航程原定時間2小時、(b)航程原定時間嘅3小時或(c)航程原定時間的4小時內到達目的地,那麼賠償就會減半。

不過第七條賠償金中,喺遇到自然災害、惡劣天氣、政治動亂、航空維安考量(但不包含機械故障)、罷工,且航空公司已盡了最大努力仍無力回天嘅「特殊情況」下,航空公司係可以免賠。

pinterest
Photo from pinterest

2. 退回未用機票金額 Reimbursement
特別提醒:班機被取消時,航空公司會喺機場櫃檯接受退票、航空公司嘅app亦會畀你直接按辦理退票,不過小編建議你喺搞清楚狀況前先唔好退票!因為一旦接受退票,你就唔可以要求航空公司幫你提供/負擔替代交通方案。

pinterest
Photo from pinterest

3. 提供替代方案(Re-routing

航空公司要畀乘客兩種替代方案選擇(二選一):

(a) 通常乘客會希望航空公司提供愈早愈好啲替代方案;或

(b) 乘客可以選擇要求航空公司提供另一日期嘅替代班機(例如:本來週六早上出遊嘅班機被取消,你寧願改成下週六早上再飛而唔要週日飛)。

pinterest
Photo from pinterest

4. 提供基本照顧 (Right to care)

負責喺等待時間內提供合理餐飲(不含酒精)、住宿(如合理需要)、往返機場和住宿的交通、基本通話。

pinterest
Photo from pinterest

被拒載喇,可以申請賠償嗎?[Denied boarding]

唔知大家仲記唔記得之前美國曾經發生過一件乘客因為唔肯自願落機,而被打被強制拉落機一事喇!?其實超賣係航空界公開嘅秘密,亦係乘客成日被拒載嘅主要原因。

航空公司一般喺強制拉人落機前,都會先公開徵求自願者;要是自願者人數不夠,航空公司才能強制拒載。

根據這兩種情況,航空公司要負嘅責任就唔一樣:

(a) 自願下機者:航空公司必須讓你二選一,即是退機票錢或是提供替代航班。喺依個情況上自願下機者就會冇EC261中第七條賠償金,而航空公司一般會以提供自願者禮券、里程數、住宿作為吸引。

(b) 非自願下機:航空公司不但必須賠償EC261第七條賠償金、仲要提供基本照顧,而且仲要畀你有二選一退機票錢或是提供替代航班嘅選擇。

WEB
Photo from WEB

班機被取消!可以申請咩賠償?[Cancellation]

記得小編之前講過嗌大家唔好急住接受退票嗎?因為喺班機被取消依個情況下,如果你接受咗退票,咁樣航空公司就唔駛負責提供替代方案,而且就算係自己安排咗其他交通方式亦唔會賠償價差畀你。

而如果你嘅班機被取消,航空公司一般會為你提供以下條件:

1.航空公司必須讓你二選一:退機票錢或是提供替代方案。

2.提供合理餐飲安排、基本通話。

3.如果替代航班嘅出發時間喺原出發時間嘅一天後或以上,就要提供住宿和往返機場交通。

4.如果班機喺非特殊情況下被取消而且不符合以下例外情況,航空公司仲要付EC261第七條賠償金畀你。

冇法申請賠償金嘅例外情況:

情況1:航空公司最少14日前通知航班取消。

情況2:航空公司7至14日前通知航班取消,且提供嘅替代班機起飛時間係原定起飛時間嘅兩小時內、抵達時間係原定抵達時間嘅四小時內。

情況3:航空公司少於7日前通知航班取消,且航空公司提供嘅新班機起飛時間係原定起飛時間嘅一個小時內、抵達時間係原定抵達時間嘅兩個小時內。

pinterest
Photo from pinterest

班機延誤!可以申請咩賠償?[Delay]

一般延誤三小時內航空公司通常只需盡到基本照顧,相信依個大家都好清楚喇!至於小編指嘅delay係指延誤超過三小時嘅情況。

其實喺EC261中係冇明確寫出延誤超過三小時有咩賠償,不過近年嚟歐盟法院判例嘅結果就清楚指出:「如果班機抵達時間延誤三小時或以上,乘客應享有和班機取消一樣的第七條賠償權益」。

即係話一但抵達時間(以機艙門開啟的時間為準)被延誤超過三小時,而且延誤原因係喺航空公司控制範圍內而唔係特殊情況,就可以依航程距離申請第七條賠償金

pinterest
Photo from pinterest

同大家講咗咁多,相信你哋最想知嘅應該都係點申請賠償喇!

其實依家好多歐洲航空公司都有線上表格可以畀大家填,最快嘅方法就係search關鍵字「EC261 compensation + (航空公司名)」 ,然後搵官方連結。

如果航空公司冇提供線上表格,咁你只要連同登機證、相關收據以及填妥歐盟官網上嘅索償表格,保留副本並寄到航空公司就可以。

pinterest
Photo from pinterest

最後小編都要提提大家雖然EC261係保障消費者嘅法條,但都唔係萬能。如果你嘅情況唔符合EC261嘅賠償規定,就只能和航空公司索取延誤/取消證明,然後再向你嘅旅遊保險公司申請賠償,千祈唔好以為有EC261就可以唔駛買旅保呀!

Source:歐盟EC261規章歐盟飛航乘客權益官網歐盟EC261規章官方解釋文獻

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook